01.07.2026 | 21:13
Վարչական դատարանը բավարարել է Մայր Աթոռի հայցն ընդդեմ ոստիկանության
Տասը մարզպետ գալիս է հաշվետվության, մի հարց չունեք տալու․ ինչի՞ վրա եք զարմանում, եղբա՛յր․ Բագրատյան․ ՏԵՍԱՆՅՈՒԹ
Քաղաքականություն
20.06.2019 | 12:45
Ազգային ժողովի «Բարգավաճ Հայաստան» խմբակցության պատգամավոր Սերգեյ Բագրատյանն այսօր խորհրդարանում անդրադարձավ «Իմ քայլը» խմբակցության պատգամավոր Համազասպ Դանիելյանին զարմանքին։
«Ինչի՞ վրա եք զարմանում եղբայր, հրավիրեք թող գա (Համազասպ Դանիելյանն այդ ժամանակ ԱԺ դահլիճում չէր- խմբ․): 10 մարզպետ գալիս է հաշվետվություն ներկայացնելու, և էս խմբակցությունը մի հարց չունի՞ տալու։ Միայն ես տասը մարզպետի հարց եմ տալիս։ Ինչի՞ վրա եք զարմանում․․․ հանրապետության 10 մարզը համակարգող մարզպետներին մի հարց չեն ունեցել, պարո՛ն վարչապետ»,- ասաց Սերգեյ Բագրատյանը։
Վերջինս իր ելույթում անդրադարձավ նաև աշխատանքի և սոցիալական հարցերի նախարար Զարուհի Բաթոյանի դիտարկումներից մեկին, թե «մեզ պետք չէ համոզել, որ ժողովրդի վիճակը վատ է, մենք ժողովրդի կառավարությունն ենք»։
«Այ քեզ բան, տիկի՛ն Բաթոյան, բոլորից կսպասեի նման բան, բացի Ձեզանից։ Հայկ Սարգսյանն էլ մի անգամ ասաց, թե «պետք չէ ժողովրդի Կառավարության վրա գոռալ»: Կարծես թե, սաղ թուրքի բաշիբոզուկներ են, դուք ժողովրդի կառավարությո՞ւնն եք։ Մենք բոլորս էլ ժողովրդի կառավարություն ենք, եթե Ձեզ ասում են, որ ժողովրդի վիճակը վատ է, դա չի նշանակում, որ պետք է հակադարձեք»,- ասաց Բագրատյանը։
