08.11.2026 | 16:23
Փաշինյանն արձագանքել է Կրակովում տեղի ունեցած ողբերգությանը
Զարմանում են․ դա նման է հեծանիվ հորինելուն․ Համազասպ Դանիելյանը՝ Սերգեյ Բագրատյանին․ ՏԵՍԱՆՅՈՒԹ
Քաղաքականություն
20.06.2019 | 12:36
Ազգային ժողովի «Իմ քայլը» խմբակցության պատգամավոր Համազասպ Դանիելյանն այսօր խորհրդարանում անդրադարձավ ԲՀԿ-ական պատգամավոր Սերգեյ Բագրատյանի՝ ընդդիմությանը լծակներ տալու առաջարկին։
«Մեզ համար հունվարից սկսած այս ամբիոնում կարևոր է եղել հարցը՝ արդյոք ԱԺ-ն ունի՞ վերահսկողական անհրաժեշտ գործառույթներ և այս բյուջեի կատարողականի ժամանակ ականատես եղանք այն իրականությանը, որ անգամ այն մարդիկ, որոնց մասին ասվում էր, որ վերահսկողությունից դուրս են, եկան այստեղ։ Խորհրդարանական վերահսկողության առումով պետք է ասեմ, որ 230 հարց է տրվել բյուջեի կատարողականի քննարկման ժամանակ և դրանք տվող ճնշող մեծամասնությունը եղել են «Իմ քայլի» պատգամավորները և տրվել են սուր հարցադրումներ»,- ասաց Դանիելյանը՝ հիշեցնելով, որ այդ 230 հարցերը տրվել են 2018 թվականի բյուջեի կատարողականի քննարկման 30 ժամ տևած քննարկման ընթացքում։
Համազասպ Դանիելյանն ասաց, որ լսելով ԲՀԿ-ական պատգամավոր Սերգեյ Բագրատյանի՝ ընդդիմությանը տրվող վերահսկողական լծակների մասին առաջարկը, մեկ բան կարող է միայն ավելացնել․ «Զարմանում եմ։ Առաջարկ է արվում, որ ընդդիմությանը հանձնվի մի մարմին, որն անկախ է և ապաքաղաքական, կամ մեկ այլ այնպիսի մարմին, որի գործառույթն է գործադիրի ներսում գործողություններ իրականացնել։ Սրանք բաներ են, որոնք ավելի շատ նման են ոչ թե խնդիր լուծելուն, այլ հեծանիվ հորինելուն»։
