Պատրա՞ստ եք Ձեր տարիների պայքարն իրականացնել և օրինակ՝ ՊՎԾ-ն տալ ընդդիմության կառավարմանը․ Սերգեյ Բագրատյանը՝ վարչապետին․ ՏԵՍԱՆՅՈՒԹ

Ազգային ժողովի «Բարգավաճ Հայաստան» խմբակցության պատգամավոր Սերգեյ Բագրատյանն այսօր խորհրդարանում Կառավարության հետ հարցուպատասխանին մասնակցող վարչապետին հիշեցրեց, որ վերջինս տարիներ շարունակ պայքարել է, որպեսզի իշխանությունները կարողանան հավասարակշռված կառավարում իրականացնել և կառավարման վերահսկիչ որոշ գործառույթներ պետք է փոխանցել ընդդիմությանը։

«Հիմա պատրա՞ստ եք Ձեր տարիների պայքարն իրականացնել և օրինակ Պետական վերահսկողական ծառայությունն ու Հաշվեքննիչ պալատը փոխանցել ընդդիմության կառավարմանը»,- Նիկոլ Փաշինյանին հարցրեց Սերգեյ Բագրատյանը։

Ի պատասխան վարչապետը նշեց, որ չի հիշում, որ երբևէ խորհրդարանում խոսել է ընդդիմությանը վերահսկողական գործառույթներ տալու մասին։

«Բացի այդ, ես արդեն խոսել եմ, որ և ՀԾԿՀ-ում և ՏՄՊՊՀ-ում ընդդիմությանը կհատկացվեն տեղեր, և ես կառաջադրեմ ընդդիմության թեկնածուներին։ Սակայն, «Բարգավաճ Հայաստան» խմբակցությունը հրաժարվել է՝ ասելով, որ իրենք ի նկատի չեն ունեցել շարքային անդամին, այլ նկատի են ունեցել հանձնաժողովների նախագահին։ Այս դեպքում տարօրինակ է հնչում է վարչապետին առընթեր ՊՎԾ-ն հանձնել ընդդիմության, այդ դեպքում ի՞նչ կարծիքի եք՝ գուցե վարչապետի օգնականնե՞րն էլ լինեն ընդդիմությունից»,- ասաց նա։

Սերգեյ Բագրատյանն էլ հավելեց, որ որևէ խնդիր չկա և հնարավոր է ՊՎԾ-ն դուրս բերել վարչապետին առնթեր մարմնի կարգավիճակից, որի պարագայում էլ հնարավոր կլինի այն տալ ընդդիմությանը։

Մանրամասները՝ տեսանյութում։