28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Սերգեյ Բագրատյանը Նիկոլ Փաշինյանին հիշեցրեց պատգամավոր Փաշինյանի՝ 2017 թ. մոռացված ելույթը․ ՏԵՍԱՆՅՈՒԹ
Քաղաքականություն
20.06.2019 | 12:09
Ազգային ժողովի «Բարգավաճ Հայաստան» խմբակցության պատգամավոր Սերգեյ Բագրատյանը երեկ Կառավարության հետ հարցուպատասխանի ժամանակ վարչապետ Նիկոլ Փաշինյանին ասաց, որ վերջինս տարիներ շարունակ պայքարել է, որպեսզի իշխանությունները կարողանան հավասարակշռված կառավարում իրականացնել և կառավարման վերահսկիչ որոշ գործառույթներ պետք է փոխանցել ընդդիմությանը։
Պատգամավորը վարչապետին հարցրեց․«Հիմա պատրա՞ստ եք Ձեր տարիների պայքարն իրականացնել և օրինակ՝ Պետական վերահսկողական ծառայությունն ու Հաշվեքննիչ պալատը փոխանցել ընդդիմության կառավարմանը»։
Հարցին ի պատասխան Նիկոլ Փաշինյանն ասաց, որ չի հիշում, որ երբևէ խորհրդարանում խոսել է ընդդիմությանը վերահսկողական գործառույթներ տալու մասին։
Այսօր Ազգային ժողովում Սերգեյ Բագրատյանը Նիկոլ Փաշինյանին հիշեցրեց վերը մատնանշած խնդրի վերաբերյալ նրա արած հայտարարությունը՝ 2017 թվականի հոկտեմբերի 2-ի ելույթը խորհրդարանում։
«Դուք, խոսելով ընդդիմությանը լծակներ տալու մասին, ասել եք՝ ինչո՞ւ եք ընդդիմությանը խմբակցություն ունենալու իրավունք տվել՝ ձևական, վարչապետ առաջադրելու իրավունք տվեք, դրանից էլ զրկեք, միգուցե, թույլ տաք մենք գանք խորհրդարան, միգուցե թույլ տաք մենք ավագանիում առաջադրվենք։ Այսինքն՝ դուք իշխանությանը հստակ ասում եք՝ ձեր արածը բանի պետք չի, տվեք մեզ լծակ, որ կարողանանք գալ և իրացնել»,- ասաց Սերգեյ Բագրատյանը։
Մանրամասները՝ տեսանյութում։
