Բոլոր տարբերակներից ընտրել եք վատագույնը, և ինչքան էլ հարգեմ պարոն Գրիգորյանի մասնագիտական գիտելիքները, ես և իմ գործընկերներից շատերը չեն կարող անտեսել օրենքի պահանջը․ Տարոն Սիմոնյան․ ՏԵՍԱՆՅՈՒԹ

ՀՀ ազգային ժողովի «Լուսավոր Հայաստան» խմբակցության պատգամավոր Տարոն Սիմոնյանի համոզմամբ՝ ՍԴ դատավորի թեկնածու Վահե Գրիգորյանի թեկնածության առաջադրման վրա աչք փակել հնարավոր չէ, քանի որ այն հակասահմանադրական է։

«Եթե ցանկանում ենք մեր ընդգծված ցանկալի թեկնածուին ընտրեն ինչ-որ պաշտոնում, պետք  է խիստ հաշվարկով մոտենանք՝ հասկանալով, որ դատական համակարգն այլ համակարգ է, ՍԴ-ի համար առաջադրվող պահանջներն այլ պահանջներ են։ Եթե տեսնում էինք, որ Սահմանադրականության հետ կապված խնդիր կա, քաղաքական մեծամասնություն եք, կարող էիք օրենքում փոփոխություն կատարել, բայց առանց դրա քաղաքական որոշման եք գնացել, որը լավ ճանապարհ չէր։ Բոլոր տարբերակներից ընտրվել է վատագույնը, և ինչքան էլ պարոն Գրիգորյանի մասնագիտական ունակությունները, նրա անձը և ունեցած փորձը գնահատենք, չենք կարող անտեսել օրենքի պահանջը»,- ասաց Սիմոնյանը։

Վերջինս նշեց, որ եթե իրավաբանությունը արվեստ է բարու և արդարության մասին, իսկ քաղաքականությունն էլ՝ հնարավորինի, ապա չափազանց վտանգավոր է, երբ մենք խառնում ենք այս երկու երևույթները։ Ըստ նրա՝ անտեսել օրենքի այդ պահանջը լավագույն ճանապարհը չէ դեպի իրավական պետություն. «Բոլոր տարբերակներից ընտրել եք վատագույնը, և ինչքան էլ հարգեմ պարոն Գրիգորյանի մասնագիտական գիտելիքները, նրա անձը, անցած ճանապարհը, ես և իմ գործընկերներից շատերը չեն կարող անտեսել օրենքի պահանջը»:

Մանրամասները՝ տեսանյութում։