02.09.2026 | 21:30
ՌԴ-ի ռազմաբազան հեռացնելը ՀՀ-ին կանգնեցնելու է անվտանգային նոր սպառնալիքների առաջ․ Էդգար Ղազարյան. ՏԵՍԱՆՅՈՒԹ
Ակցիա Բաղրամյան 26-ի մոտ. Արմեն Սարգսյանի քաղաքացիության մասին փաստաթուղթ են պահանջում
Քաղաքականություն
17.06.2019 | 18:07
«Քաղաքացիական գիտակցություն» ՀԿ-ն և AntiFake.am-ն այսօր Բաղրամյան 26-ի մոտ ակցիա էին նախաձեռնել՝ «#AntiFakePRESIDENT» խորագրով:
Ակցիայի կազմակերպիչներից Նարեկ Սամսոնյանը լրագրողների հետ զրույցում նշեց, որ ՀՀ նախագահի նստավայրի դիմաց նման ակցիա անելով՝ ցանկանում են քաղաքացիների ուշադրությունը հրավիրել այն հանգամանքի վրա, որ նախագահ Արմեն Սարգսյանը չի կատարում Սահմանադրությամբ նախագահին վերապահված գործառույթները:
«Ուզում ենք հասկանալ՝ Արմեն Սարգսյանն իր քաղաքացիության վերաբերյալ ի՞նչ է ցույց տվել Նիկոլ Փաշինյանին: Հնարավո՞ր է Նիկոլ Փաշինյանի կողմից օգտագործվում է կոմպրոմանտ, դրա համար էլ Արմեն Սարգսյանն իրեն «տխմարագույն ճառեր արտասանող» անվանողին առաջադրում է Սահմանադրական դատարանի դատավորի թեկնածու»,- ասաց Սամսոնյանը:
Նա նաև նշեց, որ քաղաքացիներն իրենց հաճախակի են տեսնելու փողոցում ակցիա անելիս, որոնց ընթացքում հումորով քաղաքացիներին են մատուցելու դառը ճշմարտությունը:
«Մենք պահանջում ենք, որ Արմեն Սարգսյանը հանրությանը ցույց տա իր լեգիտիմության այն թնջուկը, որը Նիկոլ Փաշինյանն է միայն տեսել, որի հետ կապված էլ Արմեն Սարգսյանը նման քայլերի է գնում: Իսկ եթե նա Փաշինյանին որևէ բան ցույց չի տվել, ապա մենք կհասկանանք, թե ինչու է այսպես վարվում»,- ասաց Սամսոնյանը:
Նարեկ Սամոնյանը, միաժամանակ, նշեց, որ Արմեն Սարգսյանի հետ հանդիպել չեն ցանկանում:
