23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Շիրակի մարզպետն ընդհանուր 4 մլն դրամի պարգևավճար է տվել մարզպետարանի աշխատակիցներին
Հասարակություն
17.06.2019 | 15:15
Շիրակի մարզպետ Տիգրան Պետրոսյանը հունիսի 11-ին պարգևատրել է մարզպետարանի աշխատակիցներին: Շիրակի մարզպետարանի պաշտոնական կայքից տեղեկանում ենք, որ պարգևատրվել է 14 աշխատակից: Նրանք հիմնականում վարչության պետեր և գլխավոր մասնագետներ են:
Ամենաբարձր պարգևավճարը ստացել է փոխմարզպետ Վարդան Գրիգորյանը՝ 503.449 դրամ։ Ընդհանուր առմամբ՝ պարգևատրումների համար 4.066.385 դրամ է հատկացվել: Նշենք, որ այս անգամ ևս մարզպետի անունը պարգևատրվածների ցանկում չկա:
Շիրակի մարզպետ Տիգրան Պետրոսյանը պարգևատրումներն արել է՝ ղեկավարվելով «Քաղաքացիական ծառայության մասին ՀՀ օրենքի 16-րդ հոդվածի 3-րդ մասով, «Հանրային ծառայության մասին» Հայաստանի Հանրապետության օրենքի 9-րդ հոդվածի 17-րդ մասով, «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» Հայաստանի Հանրապետության օրենքի 6-րդ հոդվածի 6-րդ մասով և 22-րդ հոդվածի 9-րդ, 10-րդ մասերով և որոշում կայացրել «Պարգևատրումներ, դրամական խրախուսումներ և հատուկ վճարներ» հոդվածով նախատեսված միջոցների հաշվին 2019թ. 2-րդ եռամսյակում հատուկ առաջադրանքները և աշխատանքային պարտականությունները բարեխիղճ կատարելու համար պարգևատրել աշխատակիցներին:
Նշենք, որ ապրիլի 19-ին էլ Շիրակի մարզպետ Տիգրան Պետրոսյանը 2 մլն 362 հազար 130 դրամի պարգևատրում էր արել:
Էմմա Չոբանյան
