11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Արցախում տարբեր պաշտոնյաներ թալանում են պետական բյուջեն հիմնադրամների միջոցով․ «Ազգային վերածնունդ» կուսակցության անդամ․ ՏԵՍԱՆՅՈՒԹ
Քաղաքականություն
13.06.2019 | 15:02
Երևանը պետք է աջակցի Արցախին՝ 2020 թվականին կայանալիք նախագահական ընտրություններին պատրաստվելու համար, դիտորդական առաքելության հարցը պետք է լուծվի և խոսքը վերաբերում է նաև այդ ընտրական գործընթացին քաղաքացիական հասարակության ներգրավմանը։
Այս մասին այսօր հրավիրված քննարկման ժամանակ ասաց «Ազգային վերածնունդ» կուսակցության անդամ Տիգրան Գրիգորյանը։
«Քանի դեռ Բակո Սահակյանը և իր ոչ ֆորմալ խումբն իշխանություն է, դժվար է լինելու արդար ընտրություններ կազմակերպել, բայց բոլոր հնարավորությունները պետք է օգտագործել, որպեսզի այն խայտառակ ընտրությունները, որոնք եղել են Արցախում, այլևս չլինեն, որովհետև արդեն դժվար է լինելու նախկինի նման վարչական ռեսուրսներն օգտագործել, քանի որ իշխանական բուրգն այլևս մոնոլիտ չէ»,- ասաց Գրիգորյանը՝ ընդգծելով, որ Հայաստանը պետք է հետևողական լինի այս հարցում, քանի որ ՀՀ-ից հարկատուների գումարներն են նաև հոսում Արցախ։
«Արցախում տարբեր պաշտոնյաներ պարզապես թալանում են Արցախի պետական բյուջեն ներդրումային և այլ հիմնադրամների միջոցով, այս ամենը չի վերահսկվում։ Արցախում ռեսուրսների կենտրոնացվածության պատճառով չկա անկախ մամուլ, չկա ուժեղ քաղաքացիական հասարակություն, ուստի Երևանը պետք է այս հարցերում իր մասնակցությունն ունենա»,- նշեց Արցախի «Ազգային վերածնունդ» կուսակցության անդամը։
Մանրամասները՝ տեսանյութում։
