07.10.2026 | 23:48
Արթուր Դանիելյանը կալանավորվեց
Գծատերերին լիցենզիայից զրկելն իրենց համար նվեր կլինի․ Երևանի քաղաքապետ. ՏԵՍԱՆՅՈՒԹ
Հասարակություն
12.06.2019 | 15:43
Երևանի քաղաքապետարանը չի միջամտել թիվ 46 երթուղու միկրոավտոբուսի վարորդին աշխատանքից ազատելու հարցին։ Այս մասին այսօր խորհրդարանում լրագրողների հետ զրույցում ասաց քաղաքապետ Հայկ Մարությանը։ Հիշեցնենք՝ երեկ աշխատանքից ազատվեց թիվ 46 երթուղու միկոավտոբուսի վարորդ Ռուստամը՝ ղեկին ծխելու և դրա հետևանքով քաղաքացու հետ վիճաբանության պատճառով։
Factor.am-ի դիտարկմանը, թե ընկերությանը կարող էին զրկել լիցենզիայից, քաղաքապետն արձագանքեց. «Այսօր շատ ու շատ մասնավորներ գալիս են, ասում են՝ խնդրում ենք, սիրելի քաղաքապետարան, վերցրեք գիծը մեզանից, մենք չենք ուզում գիծը սպասարկել։ Այսինքն՝ եթե այսօր ասում եք, որ մենք զրկում ենք լիցենզիայից այս գիծը, դա իրենց համար նվեր է»։
Մարությանի պատկերացմամբ՝ ինքներս պետք է փոխվենք. «Հանրային տրանսպորտն այս պահին 90 տոկոսով մասնավորին է պատկանում։ Ես անձամբ այս սխեմային դեմ եմ, գտնում եմ, որ մեծամասամբ ոլորտը պետք է կառավարի համայնքն ու պետությունը։ Եվ մեր նոր ծրագրով, որն արդեն ներկայացրել ենք կառավարություն, այդտեղ, մեր պատկերացմամբ, մեծամասամբ տրանսպորտային գծերը համայնքինն են։ Գծատերերն էլ վերջին տարվա մեջ ոչ մի ներդրում չեն անում, իրենք էլ սպասում են նոր ծրագրին»։
Մանրամասները՝ տեսանյութում։
Շողիկ Գալստյան
