08.06.2026 | 13:41
Էստոնիայի վարչապետը շնորհավորել է Փաշինյանին ԱԺ ընտրություններում ՔՊ-ի հաղթանակի առիթով
Տարոն Մարգարյանը չցանկացավ պատասխանել «Երևան» հիմնադրամում չարաշահումների մասին հարցին. ՏԵՍԱՆՅՈՒԹ
Հասարակություն
12.06.2019 | 13:55
Երևանի նախկին քաղաքապետ Տարոն Մարգարյանը չցանկացավ պատասխանել «Երևան» հիմնադրամում 1 մլրդ 800 մլն դրամի յուրացումների մասին լրագրողների հարցին:
Նա նախկին նախագահ Սերժ Սարգսյանի և մի շարք քաղաքական գործիչների հետ Կոմիտասի անվան պանթեոն էր եկել հոր՝ Անդրանիկ Մարգարյանի շիրմին այցելության:
«Շնորհակալություն եմ հայտնում, որ եկել եք, այս միջոցառումը լուսաբանում եք, բայց ո՛չ տեղն է, ո՛չ էլ պատրաստվում եմ հարցերին պատասխանել: Ներողություն եմ խնդրում բոլորիցդ»,- ասաց Տարոն Մարգարյանը:
Հիշեցնենք, որ ԱԱԾ տնօրեն Արթուր Վանեցյանը նախորդ տարվա սեպտեմբերին հայտարարել էր, որ «Երևան» հիմնադրամին առնչվող քրգործի շրջանակում Երևանի նախկին քաղաքապետ Տարոն Մարգարյանը վկայի կարգավիճակով հարցաքննվել է և ընդունել, որ եղել են «որոշակի խախտումներ»: Վանեցյանի խոսքով՝ այդ գործի քննության արդյունքում պետբյուջե պետք է վերադարձվի շուրջ 1 միլիարդ 800 միլիոն դրամի չափով գումար:
Մանրամասները՝ տեսանյութում:
Նարեկ Կիրակոսյան
