02.07.2026 | 12:36
ՌԴ-ն Ուկրաինայի դեմ 74 հրթիռ և շուրջ 500 ԱԹՍ է կիրառել․ Կիևում զոհերի թիվը հասել է 13-ի
Նախատեսված է տուգանքների բարձրացում. հայտնի է՝ ծխախոտի դեմ պայքարի օրենքը երբ կբերվի ԱԺ. ՏԵՍԱՆՅՈՒԹ
Հասարակություն
11.06.2019 | 15:14
Ծխախոտի դեմ պայքարի օրենքի նախագիծն ամռան ընթացքում կգա Ազգային ժողով, վերջին վերամշակումը Կառավարություն մի քանի օր առաջ է ուղարկվել: Այս մասին խորհրդարանում 2018թ. բյուջեի կատարողականի քննարկումներից հետո լրագրողների հետ զրույցում ասաց ՀՀ առողջապահության նախարար Արսեն Թորոսյանը:
«Օրենքի փոփոխություններով նախատեսված է տուգանքների բարձրացում, որպեսզի մարդիկ առավել զգուշավոր լինեն»,- ասաց Արսեն Թորոսյանը:
Հարցին՝ նախագծով ի՞նչ զիջումների են գնացել, նախարարը պատասխանեց. «Քաղաքացիների առողջությանը չվնասելու զիջումների»: Արսեն Թորոսյանն ասաց, որ օրենքով արգելվելու է նաև նարգիլեն, քանի որ այն ավելի վտանգավոր է:
Factor.am-ի հարցին՝ նախագիծը քաղաքական աջակցություն ունի՞, այսինքն՝ Կառավարությունը հավանության կարժանացնի՞ ԱԺ ուղարկելու համար, ինչպես նաև խորհրդարանում կընդունվի՞, նախարարն ասաց. «Նախագիծն ունի ապացուցողական աջակցություն, որը պետք է ավելի վեր դասվի, քան քաղաքական նպատակահարմարությունները»:
Մանրամասները՝ տեսանյութում:
Նարեկ Կիրակոսյան
