10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Ջաջուռում հրդեհը հանգցնող փրկարարը երկրորդ կարգի այրվածք է ստացել
07.09.2017 | 18:18
Շիրակի մարզի Ջաջուռ համայնքում բռնկված հրդեհը մարելու աշխատանքների ժամանակ վնասվածք է ստացել 1962 թվականին ծնված ԱԻՆ փրկարար Գրիգոր Ոսկանյանը։ Վերջինս հոսպիտալացվել է Գյումրիի ԲԿ։
Factor.am-ի հետ զրույցում ԲԿ-ից հայտնեցին, որ փրկարարը երկրորդ աստիճանի այրվածք է ստացել, այժմ վիճակը միջին ծանրության է։ Վնասվել են նրա զույգ դաստակները, նաև՝ փրկարարը ստացել է գլխի թերմիկ այրվածք։ Ոսկանյանը Գյումրիի ԲԿ-ի վերակենդանացման բաժանմունքում է։ Ջաջուռի համայնքապետ Սոկրատ Սուվարյանը մեզ հետ զրույցում հայտնեց, որ համայնքի բնակիչներից ոչ մեկը վնասվածք չի ստացել, իսկ հրդեհը մարվել է։
Ինչպես ավելի վաղ տեղեկացրել էինք, այսօր խոշոր հրդեհ է բռնկվել Շիրակի մարզի Ջաջուռ համայնքում։ Դեպքի վայր են մեկնել երեք մարտական հաշվարկ և ՄՃԿԿ օպերատիվ խումբը: Հրդեհի հետևանքով այրվել է 50 հեկտար խոտածածկ տարածք։
