10.09.2026 | 21:13
Զինված միջադեպ Ստամբուլում․ երկու մարդ զոհվել է, մեկը՝ վիրավորվել
ԻՊ-ն հարձակումների ալիք է պատրաստում Արևմուտքում
Քաղաքականություն
07.09.2017 | 20:07
«Իսլամական պետություն» ահաբեկչական խմբավորման պարագլուխ Աբու Բաքր ալ-Բաղդադին ահաբեկչական հարձակումների նոր ալիք է պատրաստում՝ ուղղված Մեծ Բրիտանիայի և եվրոպական այլ երկրների դեմ՝ որպես վրեժ այն պարտությունների համար, որոնք կրում են գրոհայիններն Իրաքում և Սիրիայում։ Այս մասին գրում է Telegraph-ը՝ հղում անելով քրդական հակաահաբեկչական ուժերի բարձրաստիճան ներկայացուցիչ Լահուր Թալաբանիին, հայտնում է ria.ru-ն:
Թալաբանիի խոսքով՝ Ալ-Բաղդադին ողջ է, և հավանաբար թաքնվում է անապատում՝ սիրիական և իրաքյան սահմանների միջև։ Նա նշել է, որ ԻՊ-ի առաջնորդը ձգտում է զարկ տալ Արևմուտքի դեմ հարձակումների նոր ալիքի՝ բարձրացնելու գրոհայինների բարոյական ոգին։ Դրա համար Ալ-Բաղդադին և նրա շրջապատը զբաղվում են եվրոպական թիրախների վրա «ավելի խորամանկ հարձակումների» կազմակերպմամբ։
«ԻՊ-ն շատ տարածքներ է կորցրել Սիրիայում ու Իրաքում, բայց դա դեռ ԻՊ-ի վերջը չէ»,- ասել է Թալաբանին:
