19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Պատգամավորը հաշվել է՝ բենզինի և գինու թանկացման արդյունքում որքան կավելանան քաղաքացու ծախսերը․ ՏԵՍԱՆՅՈՒԹ
Տնտեսություն
07.06.2019 | 18:43
Ազգային ժողովի «Իմ քայլը» խմբակցության պատգամավոր Հայկ Գևորգյանը հաշվել է, թե Հարկային օրենսգրքով կատարված փոփոխությունների արդյունքում ակցիզային հարկի բարձրացումը որքանով է հավելյալ բեռ դառնալու քաղաքացիների համար։
«Ես բերեմ վիճակագրական քաղաքացու մի օրինակ․ հաշվենք, որ 200 հազար դրամ ստացող ՀՀ քաղաքացին համահարթ եկամտահարկի անցնելու արդյունքում 56 հազար դրամ եկամտահարկից կսկսի վճարել 48 հազար դրամ հարկ։ Բենզինը, համահարթ եկամտահարկի անցնելու և 4 տոկոս ակցիզային հարկի պարագայում, թանկանալու է 1․6 դրամով, այսինքն՝ մեկ լիտր բենզինի համար մենք կունենանք 1․6 դրամ թանկացում, և եթե քաղաքացին ամեն օր քշում է 30 կիլոմետր, կստացվի, որ ինքն ամսական ավել է վճարելու 750 դրամ և դա այն դեպքում, եթե բենզինը թանկանա, ոչ թե 1,6, այլ 5 դրամով։
Գինու վրա ակցիզային հարկի բարձրացման պարագայում 0․5 լիտր գինին կթանկանա 25 դրամով, և եթե քաղաքացին ամեն օր մեկ շիշ գինի է խմում, ապա նա կվճարի արդեն 700 դրամ ավել, արդյունքում համահարթ եկամտահարկին անցնելու պարագայում քաղաքացու եկամուտը կավելանա 8000 դրամով, իսկ ծախսերը՝ 1500 դրամով, այնպես որ չեմ կարծում հարկային օրենսգրքի շուրջ այս քննարկումները ոչ կառուցողական են․ ավելին՝ որոշ խմբեր որոշ հարցեր են լուծում»,- ասաց պատգամավորը։
Մանրամասները՝ տեսանյութում։
