10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Հյուսիսային Կորեայի գործողությունները գլոբալ պատասխան են պահանջում. Սթոլթենբերգ
Քաղաքականություն
07.09.2017 | 20:38
Հյուսիսային Կորեայի գործողությունները գլոբալ սպառնալիք են ներկայացնում և պահանջում գլոբալ պատասխան՝ հայտարարել է ՆԱՏՕ-ի գլխավոր քարտուղար Յենս Սթոլթենբերգն Էստոնիայում. հայտնում է tass.ru-ն:
«Հյուսիսային Կորեայի վարքը գլոբալ սպառնալիք է, որը պահանջում է միասնական գլոբալ պատասխան»,- ասել է նա Տալինում՝ պաշտպանության նախարարների ոչ պաշտոնական հանդիպումից առաջ։
«Մենք կոչ ենք արել Հյուսիսային Կորեային լիովին համապատասխանել ՄԱԿ-ի բոլոր բանաձևերին, հրաժարվել միջուկային և հրթիռային ծրագրերից, զերծ մնալ հետագա փորձարկումներից, ընդգրկվել կառուցողական երկխոսության մեջ»,- հավելել է Յենս Սթոլթենբերգը։
Նա ընդգծել է, որ միջազգային հանրության բոլոր անդամները պետք է պահպանեն Հյուսիսային Կորեայի հանդեպ ՄԱԿ-ի պատժամիջոցները։
Սթոլթենբերգը երեքշաբթի ժամանել է Տալին՝ մասնակցելու սեպտեմբերի 6-8-ը ԵՄ պաշտպանության և արտաքին գործերի նախարարների ոչ պաշտոնական գագաթնաժողովի աշխատանքին։
