14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՀՀ նախագահի աշխատակազմում եղած օդանավը անհատույց կտրամադրվի ուսանողներին
Հասարակություն
06.06.2019 | 17:37
Տնտեսական զարգացման և ներդրումների նախարարության Պետական գույքի կառավարման կոմիտեի տնօրինության տակ գտնվող 350 000 000 ՀՀ դրամ սկզբնական (վերագնահատված) արժեքով «ՏՈՒ 134Ա ԵԿ-65072» օդանավը ուսումնավարժանքներ իրականացնելու նպատակով անհատույց, անժամկետ օգտագործման իրավունքով հանձնվեց «Ավիաուսումնական կենտրոն» փակ բաժնետիրական ընկերությանը:
Գործադիրի այս որոշումը կնպաստի ավիացիոն կադրերի պատրաստման, վերապատրաստման և որակավորման բարձրացման գործընթացին, ինչպես նաև ապագայում նոր ուսանողների քանակի և նոր մասնագիտությունների ավելացմանը:
Պետգույքի կառավարման կոմիտեի նախագահին հանձնարարվեց որոշումն ուժի մեջ մտնելուց հետո՝ երկամսյա ժամկետում, ՓԲԸ-ի հետ կնքել օդանավի անհատույց օգտագործման պայմանագիր:
Նշենք, որ «ՏՈՒ 134Ա ԵԿ-65072» օդանավը ՀՀ նախագահի աշխատակազմի հաշվեկշռում էր գրանցված։
