02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
825 հազար ԱՄՆ դոլար՝ դպրոցներն ու աջակցության կենտրոնները ներառական կրթությանը հարմարեցնելու համար․ Կառավարությունը նախագիծը հաստատեց․ ՏԵՍԱՆՅՈՒԹ
Հասարակություն
06.06.2019 | 11:21
ՀՀ կառավարությունը հաստատեց Կրթության և գիտության նախարարության «Ներառական կրթության համակարգի հզորացում Հայաստանում» դրամաշնորհային ծրագրի արտաբյուջետային հաշվի միջոցների ծախսման 2019 թ. նախահաշիվը:
2019թ ընթացքում նախատեսվում է վեանորոգել 9 ուսումնական հաստատություն և 1 մանկավարժահոգեբանական աջակցության կենտրոն:
Որոշման նախագիծն այսօր Կառավարության հաստատմանը ներկայացրեց կրթության, գիտության, մշակույթի և սպորտի նախարար Արայիկ Հարությունյանը՝ նշելով, որ այս ծրագիրն իրականացվում է ԱՄՆ Զարգացման գործակալության հետ միասին, որն այդ նպատակի համար հատկացրել են 825 հազար ԱՄՆ դոլար, դրամաշնորհառուի ներդրումը` 82 500.0 ԱՄՆ դոլար է։
Նախարարը նշեց, որ նախատեսվում է այս ծրագրով հարմարեցված դպրոցների թիվը հասցնել 100-ի։
Ըստ նախագծի հիմնավորման՝ ներառական կրթության համակարգի հզորացման ծրագիրը կաջակցի ՀՀ կրթության, գիտության, մշակույթի և սպորտի նախարարությանը ընդարձակել ներառական կրթությունը` ՀՀ կառավարության` երեխաների պաշտպանության ոլորտի բարեփոխումների ներքո:
Ակնկալվում է, որ տվյալ բարեփոխման արդյունքում կդադարեցվի երեխաների հոսքը խնամքի և հատուկ կրթական կենտրոնացված շուրջօրյա հաստատություններ, երեխաները կվերաինտեգրվեն ընտանեկան միջավայրում, և կձևավորվեն այլընտրանքային ընտանեկան և համայնքահեն սոցիալական և կրթական ծառայություններ կյանքի դժվարին իրավիճակում հայտնված երեխաների համար:
Մանրամասները՝ տեսանյութում։
