20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
«Վրիպակ է եղել, ոչ թե խախտում». Ալեն Սիմոնյանը՝ էթիկայի հանձնաժողովի հարուցած վարույթի մասին. ՏԵՍԱՆՅՈՒԹ
Հասարակություն
05.06.2019 | 18:27
Ես ուրախ եմ, շատ լավ է, որ հանձնաժողովը վարույթ է հարուցել, նորմալ է: Այս մասին Factor.am-ի հետ զրույցում ասաց ԱԺ փոխնախագահ Ալեն Սիմոնյանը՝ անդրադառնալով այն հանգամանքին, որ բարձրաստիճան պաշտոնատար անձանց էթիկայի հանձնաժողովը Փաստերի ստուգման հարթակի՝ «Կեղծ տվյալներ Ալեն Սիմոնյանի հայտարարագրում» հրապարակման հիման վրա վարույթ է հարուցել իր նկատմամբ:
«Ֆիքսել են, որ վրիպակ է եղել, ոչ թե խախտում: Իրենք այլընտրանք չունեին, քան վարույթ հարուցելու: Թող իրենք իրենց եզրակացությունը տան: Ես տարակուսում եմ, որովհետև սպասում էի, որ կդիմեն ՀՔԾ, ինչպես խոստացել էին, ինչո՞ւ չեն դիմում, ես զարմացած եմ»,- ասաց Ալեն Սիմոնյանը:
Հարցին՝ վստա՞հ է, որ հանձնաժողովի ուսումնասիրությունից հետո որևէ խնդիր առջև չի կանգնի, Ալեն Սիմոնյանն ասաց. «Վարույթը խոսում է այն մասին, որ անճշտություն է տեղի ունեցել, չի խոսվում կեղծելու մասին: Որ բան չեմ արել, ինչու՞ վստահ չլինեմ»:
Հիշեցնենք, որ Փաստերի ստուգման հարթակը հոդված էր հրապարակել, որի համաձայն՝ Ալեն Սիմոնյանի հայտարարագրում առկա են կեղծ տվյալներ: Մասնավորապես, հոդվածի հեղինակը պնդում է, որ Ալեն Սիմոնյանը հայտարարագրում ներկայացրել է նախքան պաշտոնը ստանձնելը ձեռք բերված մարդատար ավտոմեքենա: Սակայն լրատվամիջոցը Ճանապարհային ոստիկանությունից ստացել է փաստաթուղթ, որի համաձայն՝ այդ մեքենան Ալեն Սիմոնյանը ձեռք է բերել պաշտոնը ստանձնելուց հետո։
Մանրամասները՝ տեսանյութում:
Նարեկ Կիրակոսյան
