16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Մարտի 1-ի բոլոր սպանությունները պետք է բացահայտվեն. Նիկոլ Փաշինյան. ՏԵՍԱՆՅՈՒԹ
Քաղաքականություն
05.06.2019 | 11:40
Կարծում եմ՝ սա ցույց է տալիս Հատուկ քննչական ծառայության հետևողական աշխատանքը: Ազգային ժողովում լրագրողների հետ զրույցում այս մասին ասաց ՀՀ վարչապետ Նիկոլ Փաշինյանը՝ պատասխանելով հարցին՝ ինչպե՞ս է գնահատում Մարտի 1-ի գործով սպանության համար առաջին ձերբակալությունը:
«Բոլորս ենք հասկանում, որ վերջին 10 տարիների ընթացքում ոչ թե քննություն է տեղի ունեցել, այլ ամեն ինչ արվել է, որպեսզի բոլոր հնարավոր փաստերը կոծկվեն»,- հավելեց վարչապետը:
Նրա խոսքով՝ այն փաստը, որ պարկուճները փոխված են, նշանակում է՝ ամեն ինչ է փոխված. մարդիկ, դեմքերը, դեպքերը: Վարչապետն առայժմ չցանկացավ այլ գնահատական հնչեցնել, քանի որ խոսքը դեռ ձերբակալության մասին է:
«Այն, որ Մարտի 1-ի բոլոր սպանությունները պետք է բացահայտվեն, այն, որ քննությունը հենց 2008 թվականի մարտի 1-ից տարվել է կոծկելու ուղղությամբ, կարծում եմ, դա ակնհայտ է»,- ասաց Նիկոլ Փաշինյանը:
Մանրամասները՝ տեսանյութում:
