Արամ Հարությունյանի գործով դատավոր Դավիթ Գրիգորյանը ինքնաբացարկ է հայտնել

Լուրեր

23.02.2025 | 21:56
Զելենսկին պատրաստ է լքել իր պաշտոնը խաղաղության կամ ՆԱՏՕ-ին անդամակցելու դիմաց
23.02.2025 | 21:37
Երեք տարում Գյումրիում իրականացվել է 12 ծրագիր՝ 8.2 միլիարդ դրամ ընդհանուր արժեքով. ՏԿԵ նախարար
23.02.2025 | 21:00
Մեր ընդհանրական հիշողությունը շատ ֆրագմենտացված է. ապաքաղաքական զրույց Գայանե Շագոյանի հետ. ՏԵՍԱՆՅՈՒԹ
23.02.2025 | 20:24
ՀՀ ԱԺ պատվիրակությունը մասնակցել է ԵԱՀԿ ԽՎ ձմեռային նստաշրջանի աշխատանքներին. ՏԵՍԱՆՅՈՒԹ
23.02.2025 | 19:41
Հատել են Աբովյան 38 հասցեի տասնամյակների խաղողի վազը. ԿՇՄՊ ՀՈԱԿ-ը դիմել է ոստիկանություն
23.02.2025 | 19:10
Իսրայելը հետաձգել է պաղեստինցի բանտարկյալների ազատ արձակումը
23.02.2025 | 18:46
Արթուր Դավթյանը դարձավ աշխարհի գավաթի խաղարկության առաջին փուլի ոսկե մեդալակիր
23.02.2025 | 18:11
Արարատ Միրզոյանն աշխատանքային այցով կգտնվի Շվեյցարիայում
23.02.2025 | 17:35
Վարդենյաց լեռնանցքը փակ է կցորդով տրանսպորտային միջոցների համար
23.02.2025 | 17:15
Ուկրաինան մերժել է 500 մլրդ դոլարի բնական ռեսուրսներ փոխանցելու ԱՄՆ պահանջը․ Bloomberg
23.02.2025 | 16:13
Դոնոր լինելը պետք է դառնա ամեն քաղաքացու պատիվն ու ուրախությունը․ Ավանեսյան
23.02.2025 | 15:40
Դիլիջանի գիշերօթիկի նախկին շենքը ծառայելու է որպես սոցիալական բնակարանային ֆոնդ ԼՂ-ից բռնի տեղահանվածների համար․ ԱՍՀՆ
23.02.2025 | 15:12
Փետրվարի 24-ից դպրոցներում դասերը շարունակվելու են բնականոն կերպով
23.02.2025 | 14:43
Գերմանիայում մեկնարկել են Բունդեսթագի արտահերթ ընտրությունները
23.02.2025 | 14:02
Օդի ջերմաստիճանը փետրվարի 24-ի գիշերը կնվազի 6-9 աստիճանով
Բոլորը

Բնապահպանության նախկին նախարար Արամ Հարությունյանի գործը քննող դատավոր Դավիթ Գրիգորյանը ինքնաբացարկ է հայտնել: Դատավորը կասկածներ է ունեցել, որ այն հանգամանքը, թե ինքը քննել է նաև ՀՀ երկրորդ նախագահ Ռոբերտ Քոչարյանի գործը, կարող է խոչընդոտ հանդիսանալ գործի հետագա անկողմնակալ քննության համար:

Ըստ դատավորի` երկու գործերով էլ կա փոխկապակցված անձ, խոսքը գործարար Սիլվա Համբարձումյանի մասին է: Նա և՛ Քոչարյանի, և՛ Հարությունյանի գործով հանդիսանում է նրանց կաշառք տված անձ:

Հիշեցնենք, որ հունվարի 18-ին Երևանի ընդհանուր իրավասության դատարանը բավարարել էր ՀՔԾ-ի միջնորդությունը և կալանավորման որոշում կայացրել Արամ Հարությունյանի նկատմամբ։

Ավելի վաղ ՀՔԾ-ն հայտնել է, որ առանձնապես խոշոր չափերով կաշառք ստանալու դեպքի առթիվ ՀՀ հատուկ քննչական ծառայությունում հարուցված քրեական գործի նախաքննությամբ ձեռք բերված բավարար ապացույցների համակցության հիման վրա Արամ Հարությունյանը որպես մեղադրյալ է ներգրավվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով և 190-րդ հոդվածի 3-րդ մասի 1-ին կետով նախատեսված հանրորեն վտանգավոր այն արարքների կատարման համար, որ նա, հանդիսանալով ՀՀ գործադիր իշխանության ղեկավար աշխատող, իր հետ մտերիմ հարաբերությունների մեջ գտնվող անձանց օժանդակությամբ առանձնապես խոշոր չափերով կաշառք է ստացել, ապա՝ օրինականացրել հանցավոր ճանապարհով ստացված առանձնապես խոշոր չափերով գույքը:

Արամ Հարությունյանի նկատմամբ հայտարարվել է հետախուզում:

Լիլիթ Շաբոյան