Առաջարկվում է դիվանագետներին տալ հայեցողական և քաղաքական պաշտոններ զբաղեցնելու հնարավորություն․ ՏԵՍԱՆՅՈՒԹ

Ազգային ժողովում քննարկվում է «Դիվանագիտական ծառայության մասին» ՀՀ օրենքում փոփոխություն կատարելու մասին օրենքի նախագիծը, որով կարգավորվում են Հայաստանի Հանրապետության արտաքին գործերի նախարարությունից վարչապետի աշխատակազմ և պետական կառավարման համակարգի մարմիններ գործուղման իրավահարաբերությունները:

Առաջարկվող փոփոխությունների նպատակն է չվատթարացնել դիվանագիտական ծառայողի կարգավիճակը, եթե նա ՀՀ ԱԳՆ-ից գործուղվում է այլ մարմիններ՝ աշխատանքի, իսկ դիվանագետներին էլ տալ հայեցողական և քաղաքական պաշտոն զբաղեցնելու հնարավորություն։

Ըստ նախագծի հիմնավորման՝  օրենքի փոփոխության անհրաժեշտությունը բխում է նրանից, որ Արտաքին գործերի նախարարությունից հանրապետության նախագահի աշխատակազմ և Ազգային ժողովի աշխատակազմ գործուղման դեպքերը մնացել են չկարգավորված:

Բացի այդ, հաշվի առնելով, որ «Դիվանագիտական ծառայության մասին» օրենքով արդեն իսկ սահմանված է դիվանագիտական ծառայողի կողմից քաղաքական, վարչական և հայեցողական պաշտոն զբաղեցնելու դեպքում ծառայության անընդհատության ապահովումը և կարգավիճակի պահպանումը, այդ պաշտոններից ազատվելու դեպքում անմիջապես կադրերի ռեզերվում գրանցվելու իրավունքը, մեկ մարմնից այլ մարմին տեղափոխվելու պատճառով կարգավիճակի վատթարացման անթույլատրելիության սկզբունքն ապահովելու նպատակով անհրաժեշտ է, որպեսզի դիվանագիտական ծառայողի այլ մարմնում պաշտոնի նշանակումը հավասարեցված լինի քաղաքական, վարչական և հայեցողական պաշտոն զբաղեցնող անձանց կարգավիճակին:

Մանրամասները՝ տեսանյութում։