18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Ո՞ւր է ԿԲ նախագահը․ Արթուր Ջավադյանն ԱԺ նիստից ուշանալու համար դիտողությունների արժանացավ․ ՏԵՍԱՆՅՈՒԹ
Քաղաքականություն
04.06.2019 | 11:02
Ազգային ժողովում պատգամավորներն այսօր շարունակում են քննարկել «Հայաստանի Հանրապետության Կենտրոնական բանկի գործունեության վերաբերյալ տարեկան հաղորդումը»:
ԿԲ-ի ներկայացրած հաղորդման վերաբերյալ այսօր ելույթ ունեցավ ԱԺ «Բարգավաճ Հայաստան» խմբակցության պատգամավոր Սերգեյ Բագրատյանը։ Նշենք, որ նրա ելույթի ժամանակ ԿԲ նախագահ Արթուր Ջավադյանը նիստերի դահլիճում չէր։
Այս հանգամանքը դժգոհություն առաջացրեց Էդմոն Մարուքյանի մոտ, որը նիստը վարող ԱԺ փոխնախագահ Ալեն Սիմոնյանից հետաքրքրվեց․ «Ո՞ւր է ԿԲ նախագահը, որի ներկայացրած հաղորդման վերաբերյալ մեր գործընկերը ելույթ ունեցավ և մյուս գործընկերներն էլ շարունակելու են ելույթներ ունենալ։ Ես կարծում եմ՝ Դուք պետք է ապահովեք նրա ներկայությունն ԱԺ դահլիճում, քանի որ նրա բացակայությունը հստակ արհամարհական վերաբերմունք է ԱԺ-ի նկատմամբ»։
«Լուսավոր Հայաստան» խմբակցության ղեկավարի դժգոհությունը շարունակեց նաև ԱԺ «Իմ քայլը» խմբակցության պատգամավոր Հովիկ Աղազարյանը. «Ես միանում են պարոն Մարուքյանի դիտողությանը, սա շարունակական վերաբերմունքի արդյունք է նաև․ սա, իսկապես, վիրավորական է ԱԺ-ի նկատմամբ, խնդրում եմ միջոցներ ձեռնարկեք»։
Մինչ պատգամավորները հայտնում էին իրենց դժգոհությունները՝ նիստերի դահլիճ մտավ Արթուր Ջավադյանը։
Մանրամասները՝ տեսանյութում։
