18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Կառավարությանը զեկուցել են՝ 130 հազար մարդ սև ցուցակում չէ, բայց այստեղ, կարծում եմ, խաբեություն կա, այդ թիվը չենք տեսնում. Սերգեյ Բագրատյան․ ՏԵՍԱՆՅՈՒԹ
Քաղաքականություն
04.06.2019 | 10:34
Ազգային ժողովում պատգամավորներն այսօր շարունակում են քննարկել «Հայաստանի Հանրապետության Կենտրոնական բանկի գործունեության վերաբերյալ տարեկան հաղորդումը»: Ըստ «Բարգավաճ Հայաստան» խմբակցության պատգամավոր Սերգեյ Բագրատյանի՝ այս զեկույցում նշված են մի շարք թվեր, որոնք մտահոգություններ առաջացնում։
«Օրինակ՝ ինչպե՞ս պետք է տնտեսության զարգացում ակնկալել այն դեպքում, երբ արտաքին ներդրումներ չկան, և արդյո՞ք ներքին ներդրումները ճիշտ և արդյունավետ են օգտագործվում: Կարծում եմ՝ այս հարցերի պատասխանը բացասական է»,- ասաց պատգամավորը։
Նա նշեց, որ այսօր Կենտրոնական բանկը չի կարողանում լրացնել այն բացը, որն առկա է արտաքին ներդրումների՝ սպասումներին անհամապատասխանության հետևանքով և չի սպասարկում համապատասխան ներդրումային միջավայրը. «Չի սպասարկում պարզ պատճառով, որովհետև բանկային կապիտալը ձևավորվել է նախկին բարձրաստիճան պաշտոնյաների կողմից ժողովրդին թալանելու միջոցով և այդ կապիտալը չունի ազդակ՝ ներդրվելու տնտեսության մեջ»:
Պատգամավորը նաև նշեց, որ ԿԲ նախագահը պետք է պատասխանի հարցին՝ արդո՞ք 130 հազար մարդ այլևս բանկերի սև ցուցակում չէ։
«Կառավարությանը զեկուցել են, որ այլևս 130 հազար մարդ սև ցուցակում չէ, բայց մենք այդ թիվը չենք տեսնում, և հարց է առաջանում՝ արդյո՞ք այդպես է: Ես կարծում եմ՝ այստեղ խաբեություն կա, ճիշտ թիվը ներկայացված չէ, քանի որ, երբ մեր շրջապատում հարցուփորձ ենք անում, չենք գտնում որևէ գյուղացու, որն այլևս սև ցուցակում չէ, հետևաբար՝ պետք է առաջարկենք ԿԲ նախագահին այս հարցի պատասխանը տալ»,- ասաց ԱԺ «Բարգավաճ Հայաստան» խմբակցության պատգամավոր Սերգեյ Բագրատյանը։
Մանրամասները՝ տեսանյութում:
