18.09.2026 | 07:58
Փաշինյանն աշխատանքային այցով մեկնել է Գերմանիա․ նրան կշնորհվի Հեսսեյան Խաղաղության մրցանակը
3-րդ համաշխարհային պատերազմը վաղուց սկսված է․ Կարեն Վարդանյան. ՏԵՍԱՆՅՈՒԹ
Հասարակություն
03.06.2019 | 15:17
Օրերս տեղեկատվական տեխնոլոգիաների 30 ձեռնարկությունների, Ազգային անվտանգության ծառայության, ՀՀ Զինված ուժերի, Ռազմարդյունաբերության պետական կոմիտեի ներկայացուցիչների մասնակցության խորհրդաժողով է տեղի ունեցել՝ տեղեկատվական տեխնոլոգիաները անվտանգության ոլորտում ներդնելու նպատակով, այս մասին ասուլիսի ընթացքում հայտնեց «Առաջատար տեխնոլոգիաների ձեռնարկությունների միության» գործադիր տնօրեն Կարեն Վարդանյանը։
Ըստ նրա՝ կենտրոնական հարցը կրթությունն է, մասնագետների սով կա բանակային ռազմարդյունաբերության գծով՝ սկսած արտադրության կազմակերպիչներից, վերջացրած բանվորներից։ Մասնագետների պակաս կա նաև զենքի վաճառքի, նախագծումների բնագավառում:
«Մասնագետների խնդիրը մեզ մոտ ամենաթույլ խնդիրն է։ Այսօրվա պատերազմը՝ 3-րդ համաշխարհային պատերազմը վաղուց սկսված է, որի մասին հայտարարել են Հռոմի Պապը և Անգլիայի թագուհին, մարդիկ, որոնց չհավատալ չի կարելի։ Մենք պետք է հասկանանք՝ ինչո՞ւ մենք դա չեն հասկանում, որովհետև պատերազմը կրում է հիբրիդային բնույթ՝ կա պատերազմ մարդկանց ուղեղների համար՝ ինֆորմացիոն պատերազմ, որն ուղղված է մարդկանց ուղեղներին և սրտերին, և այդ պատերազմը գնալով ավելի հզոր է դառնում, քան զենքի պատերազմը»,- ասաց Կարեն Վարդանյանը։
Մանրամասները՝ տեսանյութում:
Ռոբերտ Անանյան
