19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
14 հազար դրամն այնպիսի գին է, որ ոչ մի կողմ չի տուժում. Բաբկեն Թունյանը՝ ակցիա իրականացնողներին. ՏԵՍԱՆՅՈՒԹ
Հասարակություն
03.06.2019 | 12:56
«Բողոքներն արդարացված են այնքանով, որ ցանկացած գործարար ուզում է՝ առավելագույն լինի իր շահույթը, առավելագույն օգուտ ստանա, մենք էլ ներկայացրեցինք դրդապատճառները, և ինձ թվում է՝ պատճառներն ու հիմնավորումները ցուցարարներին բավարարեցին»,- այս մասին ԱԺ-ում լրագրողների հետ զրույցում ասաց ԱԺ «Իմ քայլը» խմբակցության պատգամավոր Բաբկեն Թունյանը:
Նա հիշեցրեց՝ օրենքն ընդունելու ժամանակ էլ հայտարարել էին, որ տուրքը սահմանվում է մեկ տարի ժամկետով և այդ ընթացքում պետտուրքը կարող է վերանայվել, կարող է ընդհանրապես դուրս գալ՝ կախված նրանից, թե Իրանի շուրջ զարգացումներն ինչպիսին կլինեն, ցեմենտի գինն էլ ինչ փոփոխության կենթարկվի:
«Երբ տեղական շուկայի պաշտպանության համար օրենքը ներդրվեց, նշանակում է, որ տեղական արտադրողն էլ իր հերթին պետք է քայլեր ձեռնարկի, որ ավելի մրցունակ դառնա, որ ստիպված չլինենք ամեն անգամ պաշտոնական միջոցներ ձեռնարկել՝ իրենց պաշտպանելու համար»,- շարունակեց Բաբկեն Թունյանը։
Մանրամասները՝ տեսանյութում։
Շողիկ Գալստյան
