18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Մեզ տնտեսագիտություն սովորեցնել պետք չէ. Նաիրա Զոհրաբյան. ՏԵՍԱՆՅՈՒԹ
Քաղաքականություն
03.06.2019 | 11:33
Ինձ զարմացնում է այն քամահրանքը, որ լսում եմ այս ամբիոնից: Ազգային ժողովում անդրադառնալով հողօգտագործողներին բնակլիմայական աղետների պատճառով 50 տոկոսով անշարժ գույքի հարկից ազատելու՝ ԲՀԿ-ի ներկայացրած նախագծի վերաբերյալ «Իմ քայլը» խմբակցության գնահատականներին՝ ասաց խմբակցության պատգամավոր Նաիրա Զոհրաբյանը։
«Միգուցե՛ ձեզ համար մի քանի հազար դրամը ժեստ է, բայց ես կարծում եմ, որ այս ամբիոնից նման հայտարարություն անելուց առաջ պետք է մտածել այն մարդկանց մասին, որոնց համար պետությունից տարեկան 10 հազար դրամ փոխհատուցում ստանալը հարցի լուծում է»,-ասաց Զոհրաբյանը։
Նա նշեց, որ ազգային անվտանգությունից ելնելով՝ ԱԺ ամբիոնից չի տա այն գյուղերի անունները, որտեղ ապրում է ընդամենը երկու-երեք ընտանիք, իսկ իրենց ներկայացրած նախագծով պետք է ցույց տան, որ պետությունը կանգնած է այդ ընտանիքների կողքին։
«Մեզ պետք չէ տնտեսագիտություն սովորեցնել, մենք հասկանում ենք, որ սա քաղաքական որոշում է, որ գյուղացին զգա՝ պետությունն իր կողքին կանգնած է»,- ասաց պատգամավորը։
Մանրամասները՝ տեսանյութում:
Աղավնի Սուքիասյան
