13.01.2026 | 20:12
Հարավային Կորեայի նախկին նախագահի համար դատախազությունը մահապատիժ է պահանջել
Երկրատեղեկատվական համակարգերի թեմայով սեմինար՝ Երևանում
Հասարակություն
06.09.2017 | 18:50
Սեպտեմբերի 6-ին ՀՀ արտակարգ իրավիճակների նախարարությունում մեկնարկեց աղետների երկրատեղեկատվական համակարգերի թեմայով հայ-ամերիկյան եռօրյա աշխատաժողովը:
Միջոցառման հիմնական նպատակներն են.
• մասնակիցներին ծանոթացնել GIS-ի ծրագրային ապահովմանը, անվճար ծրագրերին և դրանց հետ կապված հնարավորություններին
• որոշել մասնակից կազմակերպությունների առանձին, հավաքական և ինստիտուցիոնալ GIS հնարավորությունները
• ներկայացնել մեթոդաբանությունը, մեթոդները և առաջավոր փորձ, որոնք կարող են կիրառվել արտակարգ իրավիճակներում գործողությունների պլանավորողների, կառավարողների և որոշում կայացնողների կողմից
• արտակարգ իրավիճակներում պլանավորման համար տրամադրել տեղեկատվություն և գործիքներ, որոնք կմեծացնեն արձագանքման արդյունավետությունը և կօգնեն պարզել, թե ինպես կարելի է դիմել օգտվել GIS-ի հնարավորություններից:
Քննարկմանը մասնակցում են ՀՀ արտակարգ իրավիճակների, պաշտպանության, բնապահպանության, գյուղատնտեսության, տրասնպորտի, կապի և տեղեկատվական տեխնոլոգիաների նախարարությունների, ինչպես նաև՝ ոստիկանության, քաղաքացիական ավիացիայի գլխավոր վարչության, ազգային վիճակագրական ծառայության, քաղաքաշինության պետական կոմիտեի ներկայացուցիչներ:
Միջոցառմանը ողջույնի խոսքով հանդես եկան ՀՀ ԱԻՆ փրկարար ծառայության տնօրենի տեղակալ, փ/ծ գեներալ-մայոր Վրեժ Գաբրելյանը և ԱՄՆ ինժեներական կորպուսի ներկայացուցիչ, փորձագիտական խմբի ղեկավար Դյուի Վոնգը:
Աշխատաժողովին ներկայացվեցին զեկույցներ շարժական սարքերի միջոցով տվյալների հավաքագրման, քարտեզագրման տեխնոլոգիաների, պայմանանշանների և սպառնալիքների նախնական վերլուծությունների վերաբերյալ:
Աշխատաժողովի ակնկալվող արդյունքներից է Հայաստանում արտակարգ իրավիճակներում գործողությունների պլանավորման գործում երկրատեղեկատվական համակարգերի նշանակության ավելի լայն՝ միջգերատեսչական, տարածաշրջանային և տեղական գիտակցումը, ինչպես նաև նման համակարգերի առավել լայն ներդրումն աղետների ռիսկի նվազեցման և կառավարման ոլորտներում:
