11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Մայրենի լեզվի դասագրքերի հարցն օրակարգում է. ՀՀ ԿԳ նախարարը Վրաստանում է
Հասարակություն
31.05.2019 | 14:27
Վրացի գործընկերոջ հրավերով Վրաստան կատարած աշխատանքային այցի շրջանակներում ՀՀ ԿԳ նախարար Արայիկ Հարությունյանն այսօր այցելեց Թբիլիսիի թիվ 104 հայկական դպրոց. գրում է aliq.ge-ն:
Նախարարին դիմավորեցին դպրոցի անձնակազմն ու հայկական ու վրացական տարազներով աշակերտները՝ ներկայացնելով մայրաքաղաքի միակ ամբողջովին հայկական կրթօջախի նվաճումները, Վրաստանում գործող հայկական դպրոցի առանձնահատկությունները, շենքի տեսքը վերանորոգումից առաջ և հետո, ինչպես նաև լավագույն աշակերտների լուսանկարներով ու գովասանագրերով զարդարված ցուցատախտակը:
ԿԳ նախարար Արայիկ Հարությունյանը հայկական գեղարվեստական գրականության նվիրաբերեց դպրոցի գրադարանին՝ նախատեսված հատուկ դպրոցական աշակերտների համար:
Խոսելով վրաստանյան հայկական դպրոցների գրքերի՝ հատկապես մայրենի լեզվի դասագրքերի խնդրի մասին, նախարարը նշեց, որ այս հարցի շուրջ քննարկումներ են նախատեսված վրացի գործընկերոջ հետ, մայրենի լեզվի դասագրքերի հարցն օրակարգում է:
Հայաստանի և Վրաստանի նախարարները ոչ պաշտոնական միջավայրում հանդիպել են նախօրեին, այսօր կկայանա հանդիպման պաշտոնական մասը: Արայիկ Հարությունյանի խոսքով, քննարկվելու են երկկողմ համագործակցությանը վերաբերող հարցեր, այդ թվում հայկական դպրոցներում առկա խնդիրները՝ դասագրերի, ուսուցիչների վերապատրաստումների, դասաժամերի հարցը:
«Ամենակարևորն այն է, որ երկկողմ հարաբերություններում, ինչպես նաև երկու նախարարների միջև շատ ջերմ հարաբերություններ են, իսկ դա այն ամենակարևոր հիմքն է, որը նպաստում է հարցերի լուծմանը»,- «Ալիք Մեդիայի» հետ զրույցում ասում է Արայիկ Հարությունյանը:
