27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Եթե կար մշակույթի առանձին նախարարություն, այնպես չէ, որ բոլորս երջանիկ էինք. Նարինե Թուխիկյան. ՏԵՍԱՆՅՈՒԹ
Քաղաքականություն
31.05.2019 | 12:42
«Ես կխնդրեմ մի քանի օր սպասել: Ես մեկ շաբաթ ժամանակ ունեմ՝ հետ վերցնելու իմ հրաժարականի դիմումը»,- Ազգային ժողովում լրագրողների հետ զրույցում ասաց «Իմ քայլը» խմբակցության պատգամավոր Նարինե Թուխիկյանը՝ անդրադառնալով պատգամավորական մանդատից հրաժարվելու իր դիմումին:
Նա հաստատեց տեղեկությունները, որ նոր կազմավորվող նախարարությունում մշակույթի հարցերով փոխնախարար նշանակվելու առաջարկ է ստացել։
«Ծիծաղելի կլինի, եթե ես մերժեմ, ասեմ՝ այդպիսի բան չկա։ Բայց դեռ ժամանակ կա մի քիչ էլ մտածելու։ Օրենքը թույլ է տալիս մեկ շաբաթ ևս մտածել։ Ես սպասում եմ, որ տեսնեմ, թե վեց օրվա ընթացքում ինչ իրավիճակներ կփոխվեն իմ մտքում, սրտում։ Ո՛չ բացառում եմ գնալը, ո՛չ բացառում եմ մնալը»,- նշեց նա։
Հարցին՝ միաձուլված նախարարությունը լիարժեք կարո՞ղ է լուծել մշակույթի ոլորտի խնդիրները, Նարինե Թուխիկյանը պատասխանեց. «Եթե կար մշակույթի առանձին նախարարություն, այնպես չէ, որ բոլորս երջանիկ էինք»:
Հիշեցնենք, որ այսօր առավոտյան պարզ դարձավ, որ ԱԺ պատգամավորի իր մանդատից հրաժարվել է «Իմ քայլը» խմբակցության պատգամավոր Նարինե Խաչատուրյանը (Թուխիկյանը): Եթե Նարինե Թուխիկյանը հետ չվերցնի մանդատից հրաժարվելու մասին դիմումը, ԱԺ-ում նրան կփոխարինի ՀՀ Կառավարության «Տեղեկատվության և վերլուծության կենտրոն» ՊՈԱԿ-ի տնօրենի տեղակալ Արթուր Հովհաննիսյանը:
Մանրամասները՝ տեսանյութում:
Նարեկ Կիրակոսյան
