07.03.2026 | 18:10
Դատախազությունը, չնայած բոլոր սադրանքներին, միշտ լինելու է բարեկիրթ, հարգալից և պրոֆեսիոնալ. Աննա Վարդապետյան
Նրանք պատմության մեջ նաև այդ քայլով կմնան. Արարատ Միրզոյանը՝ Բակո Սահակյանի և Արկադի Ղուկասյանի մասին. ՏԵՍԱՆՅՈՒԹ
Քաղաքականություն
30.05.2019 | 18:19
Որևէ բան չի կարող սեպ խրել Արցախի ու Հայաստանի միջև: Այսօր խորհրդարանում լրագրողների հետ զրույցում ասաց ԱԺ նախագահ Արարատ Միզոյանը։
«Դա անթույլատրելի է, եթե որևէ մեկը կփորձի սեպ խրել, ես կորակեմ դա որպես ազգային դավաճանություն»,- ասաց Միրզոյանը։
Նա անդրադարձավ Արցախի ներկա և նախկին նախագահների կողմից Ռոբերտ Քոչարյանի խափանման միջոցի փոփոխման միջնորդությանը։ Հարցին՝ դա ՀՀ ներքին հարցերին միջամտություն չէ՞ր, Միրզոյանը պատասխանեց. «Ի վերջո՝ դատական գործընթացի մասին է խոսքը, ես միշտ աշխատում եմ ձեռնպահ մնալ մեկնաբանել որևէ իրադարձություն, որը տեղավորվում է դատական պրոցեսի մեջ։ Ժամանակը բոլոր գնահատակնները կտա»:
Միրզոյանը նաև անդրադարձավ քննադատություններին, որ ՀՀ իշխանությունները կարող էին կանխել այդ քայլը։
«Ինչի՞ համար, մարդիկ քաղաքական գործիչներ են, իրենց որոշումները կայացնում են, իրենք անհրաժեշտ են համարել այդպիսի միջնորդություն անել։ Չէ՞ որ յուրաքանչյուրս ամեն վայրկյան մեր խոսքով, մեր գործողություններով կերտում ենք մեր ճանապարհը և այն, ինչը մյուս վայրկյանին հետագիծ է դառնալու։ Հիմա այդ մարդիկ ճիշտ են գտել անել այդ քայլը և պատմության մեջ նաև այդ քայլով մնալ, ինչո՞ւ փորձենք կանխել»,- նշեց Միրզոյանը:
Մանրամասները՝ տեսանյութում:
Նարեկ Կիրակոսյան
