Քաղաքացիները վախենում են, որ Կառավարությունը ձեռքերը լվանում է և դիմել են ծայրահեղ միջոցի. Գևորգ Գորգիսյան․ ՏԵՍԱՆՅՈՒԹ

«Հյուսիս-Հարավ» մայրուղում բողոքի ակցիայի դուրս եկած քաղաքացիների հետ հանդիպման էր եկել ԱԺ «Լուսավոր Հայաստան» խմբակցության պատգամավոր Գևորգ Գորգիսյանը։

Նա լրագրողների հետ զրույցում ասաց, որ Ավինյանի հայտարարությունը հերթական ահազանգն է եղել քաղաքացիների համար, և նրանք վախենալով, որ այլևս որևէ գումար չեն ստանա ու կարծելով, որ կառավարությունը լվանում է ձեռքերը՝  դիմել են այս ծայրահեղ քայլին․ «Ամեն ինչ գնում է նրան, որ ձեռքերը լվանում է կառավարությունը, և դրա համար են վախեցած մարդիկ: Նաև ունեն փորձ՝ «Հյուսիս-Հարավի» վրա ինչ-որ փուլում պարսկական ընկերություն է աշխատել, որը գումարների 1/3-ը վճարել է և փախել»:

Ըստ Գորգիսյանի՝ ընկերությունը, որը պարտք է քաղաքացիներին, առաջարկով է հանդես եկել, որին դեմ է արտահայտվել Տիգրան Ավինյանը․ «Առաջարկում էին ամեն կատարված փուլի համար, երբ «Կորսանին» գումար կվճարվեր, դրա 10 տոկոսը պահվեր որպես դեպոզիտ՝ հետագա կամ ընթացիկ խնդիրները շտկելու համար: Նրանք առաջարկում էին այդ պահուստային, կուտակված միջոցների կեսը տրամադրել ենթակապալառու ընկերությունների պարտքերի մարմանը, մյուս կեսը՝ հետագա խնդիրները լուծելու համար, բայց Ավինյանը պատասխանեց, որ դա կարող է և ընդունելի չլինել, որովհետև միգուցե «Կորսանի» պարտավորությունները մեր պետության նկատմամբ ավելի մեծ լինեն»։

Մանրամասները՝ տեսանյութում։