09.06.2026 | 00:17
Մարկո Ռուբիոն շնորհավորել է Փաշինյանին
Տրանսպորտի փոխնախարարը՝ Հյուսիս- հարավում տիրող իրավիճակի մասին. ՏԵՍԱՆՅՈՒԹ
Քաղաքականություն
30.05.2019 | 13:32
Իսպանական «Կորսիան Կորվիամ» կապալառու ընկերությունը չի վճարել Հյուսիս-Հարավ ճանապարհը փակած ենթակապալառու ընկերություններին։ Այս մասին այսօր կառավարության նիստից հետո անդրադառնալով Աշտարակ-Ուջան ճանապարհահատվածում բողոքի ցույց իրականացնող շինարարական ընկերություններին, որոնք պահանջում են վճարել սեպտեմբերից չվճարված գումարները՝ ասաց տրանսպորտի, կապի և ՏՏ նախարարի տեղակալ Բագրատ Բադալյանը՝ վստահեցնելով, որ նախարարությունն իր պարտավորությունները կատարել է։
«Ենթակապալառուները չեն վճարվել հիմնական կապալառուի կողմից, աշխատակիցներն էլ չեն վճարվել գործատուների կողմից։ Հիմնական կապալառուն «Կորսիան Կորվիամ» ընկերությունն է, որն իրականացնում էր Տրանշ 2-ի հիմնանորոգման աշխատանքները, աշխատանքները, սակայն, երկար ժամանակ է դադարեցված են, կա անհամաձայնություն նախարարության և կազմակերպության միջև։ Պետք է նշեմ, որ նախարարությունը իր պարտավորությունները կատարել է, բոլոր վճարումները իսպանական ընկերությանն արել է, սակայն ընկերությունը չի վճարել իր ենթակապալառուներին»,- նշեց փոխնախարարը։
Մանրամասները՝ տեսանյութում։
