08.10.2026 | 14:53
Թուրքական պաշտպանական ընկերությունը փակում է Ադրբեջանում իր մասնաճյուղը
Տեղեկացա, որ արձանի ջարդուփշուրի պրոցես է սկսվել, լուծե՛ք էդ հարցերը․ Նիկոլ Փաշինյան. ՏԵՍԱՆՅՈՒԹ
Հասարակություն
30.05.2019 | 12:37
«Հայտնի այգու բացման օրը, երբ շրջայցի էինք, Վարդանյան եղբայրներն ինձ տեղեկացրին, որ առաջարկել են այգու հետ նաև այդ արձանը նորոգել, բայց ասվել է, որ դա մշակութային արժեք է, ես էլ ասացի՝ մշակութային արժեք է, թողեք հանգիստ քանդվի, պետք չէ նորոգել: Հանկարծ չկպնեք, մենք արդեն սովոր ենք, որ մշակութային արժեքը պետք է ավերակ լինի»,- այսօր Կառավարության նիստում անդրադառնալով Մյասնիկյանի արձանին՝ ասաց ՀՀ վարչապետ Նիկոլ Փաշինյանը։
Վարչապետն ասաց, որ այդ օրը կախված քարեր է տեսել, ասել է, որ տեսականորեն վտանգ կա, պետք է ինչ-որ քայլեր ձեռնարկել։
«Դրանից հետո ես անցնում եմ ու ինչ եմ տեսնում, տեսնում եմ, որ բերել են այդ արձանը ժապավենով փաթաթել են, ընդ որում՝ այն հայտնի շաբաթօրյակի օրը, երբ Սոս Սարգսյանի թատրոնը պիտի բացվեր: Ես այդ օրը Երևանի քաղաքապետին ու մյուս պատասխանատուներին ասացի, որ ճանապարհը, օրինակ, փակում են, ինչ-որ բան են կապում, ինչո՞ւ պետք է այդ փակելն արվի 73 թվի արտադրած ցելոֆանի ժապավենով՝ 25 տեղից կապած»,- շարունակեց Նիկոլ Փաշինյանը։
Մանրամասները՝ տեսանյութում։
Շողիկ Գալստյան
