04.08.2026 | 09:18
Նիկոլ Փաշինյանն աշխարհի առաջատար համալսարանների շրջանավարտներից մի քանիսին բարձր պաշտոններում է նշանակել
200 հազար մարդ անվճար դեղորայք կստանա. Արսեն Թորոսյան. ՏԵՍԱՆՅՈՒԹ
Հասարակություն
30.05.2019 | 11:52
Ընտանիքի սոցիալական գնահատման համակարգում հաշվառված 30-ից ավելի բարձր անապահովության միավոր ունեցող թվով շուրջ 200 հազար հոգու կհատկացվի անվճար դեղորայք՝ առողջության առաջնային պահպանման օղակի միջոցով: ՀՀ կառավարության այսօրվա նիստում ասաց առողջապահության նախարար Արսեն Թորոսյանը։
«Նախագծով ավելացվում է նաև երկու նոր հիվանդություն, որոնք նախկինում չեն փոխհատուցվել քաղաքացիներին: Այդ հիվանդություններն են՝ Հիպոֆիզային գաճաճություն և վիրուսային Հեպատիտ C-ն։ Այս երկու հիվանդությունների փոխհատուցումը կկատարվի 2020 թվականից։ Հնարավոր է, որ Հեպատիտ C-ի փոխհատուցումն այս տարվանից սկսվի՝ կախված մեր տնտեսումներից, եթե այս տարվա գնումների արդյունքում լինեն տնտեսումներ։ Գաճաճության համար հավելյալ կնախատեսվի 90 միլիոն դրամ, Հեպատիտ C-ի համար՝ 85 միլիոն դրամ», – տեղեկացրեց նախարարը։
«Ստացվում է, որ 200 հազար մարդու, որոնք նախկինում չեն ստացել այս ծառայությունը, հիմա պետության հաշվին ստանում են առողջապահական նոր ծառայություն»,- նախարարի տրամադրած տեղեկությանն արձագանքեց վարչապետ Նիկոլ Փաշինյանը։
Մանրամասները՝ տեսանյութում։
Շողիկ Գալստյան
