02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Թեոդոսիայում կրկնակի կմեծացնեն Այվազովսկու պատկերասրահի տարածքը
Հասարակություն
28.05.2019 | 19:25
Աշխարհահռչակ ծովանկարիչ Հովհաննես Այվազովսկու անունը կրող Թեոդոսիայի պատկերասրահը վերակառուցման աշխատանքներից հետո կրկնակի կմեծացվի։ Այս մասին հայտարարել է Ղրիմի ղեկավար Սերգեյ Աքսյոնովը, գրում է ՌԻԱ Նովոստին։
Աքսյոնովի խոսքով՝ իրենց խնդիրն է՝ պահեստներից հանել կտավները և ցուցադրել սրահում, ոչ թե որպես պահուստային ցուցանմուշներ պահել, այսինքն՝ ընդլայնել պատկերասրահի ցուցադրության տարածքը:
«Ներկայում Ռուսաստանի ԱԳՆ-ի հետ պատկերասրահի հարակից տարածքների ու դրանցում առկա շինությունների փոխանցման վերաբերյալ պայմանավորվածություն ունենք»,- հավելել է Ղրիմի ղեկավարը:
Ընդ որում, ըստ Սերգեյ Աքսյոնովի, պատկերասրահը կշարունակի քաղաքի սեփականությունը լինել:
«Բոլոր նախագծերը հաշվի են առնված, անցնում ենք գործի։ Սա ազգային օբյեկտ է։ Այստեղ Այվազովսկու կտավների՝ աշխարհի ամենամեծ հավաքածուն է ներկայացված: Դա պետք է գնահատել և հիշել: Թեոդոսիայում գտնվող այս պատկերասրահը զբոսաշրջիկների և տեղաբնակների շրջանում խելահեղ ճանաչում կունենա»,- ընդգծել է Սերգեյ Աքսյոնովը:
Նելլի Մելքոնյան
