15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
«Ո՞վ է ձեզ այդպիսի անպատկառություն ներարկել». Պարույր Հայրիկյանն առաջարկում է մայիսի 28-ը կոչել անկախության օր. ՏԵՍԱՆՅՈՒԹ
Քաղաքականություն
28.05.2019 | 12:41
Հայ ժողովրդի կյանքում մայիսի 28-ը բացառիկ դերակատարություն ունի։ Այս մասին այսօր Հանրապետության հրապարակում լրագրողների հետ զրույցում ասաց ԱԻՄ առաջնորդ Պարույր Հայրիկյանը։
«Սկսեմ նրանից, որ մենք այժմ վերադառնում ենք Էջմիածնից, այցելել էինք Գևորգ կաթողիկոսի շիրիմին։ Գևորգ կաթողիկոսն այն անձն է, որը, ըստ էության, նախապատրաստեց այդ ազգային համախմբումը և այն ոգին, որով մենք կերտեցինք Սարդարապատը»,- ասաց նա:
Հայրիկյանի խոսքով՝ Սարդարապատռը կերտողներն ինքնապաշտպանական կռիվներ էին մղում, բայց, ըստ նրա, ակնհայտ է, որ Հայաստանը վերակերտեց իր անկախությունը:
ԱԻՄ առաջնորդը նաև կարծում է, որ մայիսի 28-ը պետք է նշել ոչ թե որպես Հանրապետության, այլ անկախության տոն:
«Հայաստանի պառլամենտն այն ժամանակ որոշեց, որ մայիսի 28-ը լինելու է անկախության օրը, հիմա եկել են, ասում են՝ առաջին Հանրապետության, օրեր առաջ ես դիմել եմ Նիկոլ Փաշինյանին՝ այդ քայլը կատարել և այս օրը կոչել անկախության օր»,- շարունակեց Հայրիկյանը»:
Մանրամասները՝ տեսանյութում։
Շողիկ Գալստյան
