07.03.2026 | 19:37
Ինչ իրավիճակ է ճանապարհներին
Դաշնակցության օրակարգում Քոչարյանի հետ համագործակցելու ծրագիր չկա. Արթուր Խաչատրյան. ՏԵՍԱՆՅՈՒԹ
Քաղաքականություն
28.05.2019 | 11:44
Եթե խոսվում է նախորդ իշխանության հետ կոալիցիա կազմելու մասին, այդ դեպքում պետք էր ազնիվ գտնվել և նախորդ իշխանության ժամանակ Դաշնակցության կողմից իրականացվող ծրագրերը, որոնք այսօր շարունակվում են, վարչապետի ներկայացրած 100 կետի մեջ նշել: Այսօր Սարդարապատում լրագրողների հետ զրույցում ասաց ՀՅԴ Հայաստանի Գերագույն մարմնի անդամ Արթուր Խաչատրյանը:
«Չի կարելի ասել՝ ամեն ինչ վատ է եղել, բայց դրանք շարունակել: Եթե նախորդ իշխանությունների ժամանակ բոլորն այդքան կոռումպացված էին, այդ դեպքում ինչու նախորդ իշխանության ներկայացուցիչները կան այսօրվա կառավարությունում»,- ասաց նա:
Factor.am-ի հարցին՝ Դաշնակցությունը պատրաստվո՞ւմ է երկրորդ նախագահ Ռոբերտ Քոչարյանի հետ քաղաքական ուժ ձևավորել, Արթուր Խաչատրյանը բացասական պատասխան տվեց:
«Դաշնակցության-Ռոբերտ Քոչարյան համագործակցության հարց մենք օրակարգում չունենք»,- ասաց նա:
Մանրամասները՝ տեսանյութում:
Լիլիթ Շաբոյան
