Հասարակություն
27.05.2019 | 13:30ԱԺ գիտության, կրթության, մշակույթի, սփյուռքի, սպորտի և երիտասարդության հարցերի մշտական հանձնաժողովի հրավիրած արտահերթ նիստում ԲՈԿ ղեկավար Սմբատ Գոգյանը մանրամասնեց, թե ինչո՞ւ է դատավոր Ալեքսանդր Ազարյանի գիտական աշխատությունն ուսումնասիրության առարկա դարձել:
Նա ասաց, որ անցած տարվա օգոստոս-սեպտեմբերին Բարձրագույն որակավորման կոմիտե է այցելել մի քաղաքացի՝ հայտարարելով, որ Վերաքննիչ քրեական դատարանի դատավոր Ալեքսանդր Ազարյանի ատենախոսությունն արտագրված է:
«Գիտնականների մեջ բոլորը գիտեն՝ ով ով է, ով ում ատենախոսոսւթյունն է գրել։ Ուղղակի այդ ամենն ապացուցելի չէ։ Նույնիսկ ես գիտեմ՝ ում ատենախոսությունն ով է գրել, ինչի դիմաց և այլն։ Գիտությունն իրենից նաև էթիկա է ենթադրում, գիտնականը չի կարող անազնիվ լինել։ Ես գիտեմ մարդկանց, որոնք 15 հոդված արտագրել են ուրիշից։ Մեկը Ռուսաստանում հոդված էր տպում, ինքը թարգմանում էր հայերեն և այստեղ տպագրում։ Հետո դա բացահայտվեց և նա հետ կանգնեց», – նշեց Սմբատ Գոգյանը։
ԲՈԿ նախագահը, միաժամանակ, տեղեկացրեց, որ իր ղեկավարած կառույցը պաշտպանության նոր կարգ է մշակել, որն էլ ցանկանում է առաջիկայում, որոշ կետեր օրենսդրության հետ համաձայնեցնելուց հետո, ներկայացնել Կառավարությանը:
«Օրինակ՝ ես կողմ եմ, որպեսզի ատենախոսությունների պաշտպանությունը հեռարձակվի ուղիղ եթերով։ Սա պետք է կանոնակարգվի», – ասաց նա՝ միաժամանակ ընդգծելով, որ շատ ասպիրանտներ չեն համաձայնում ատենախոսությունը պաշտպանել առցանց հեռարձակմամբ:
Մանրամասները՝ տեսանյութում:
Նարեկ Կիրակոսյան
