28.04.2026 | 11:55
Բարձրագույն դատական խորհուրդը Սնանկության դատարանի նախագահի պաշտոնում առաջարկել է Գարիկ Ավագյանի թեկնածությունը
Վարչապետը ոստիկանությանը քաղաքական գործընթացի մեջ ներքաշեց. Արմեն Բադալյան. ՏԵՍԱՆՅՈՒԹ
Քաղաքականություն
24.05.2019 | 16:45
«ՀՅԴ-ն երկար ժամանակ եղել է կոալիցիայի մեջ, դրանով շատ է նույնականացվել ՀՀԿ-ի հետ և միշտ դիտարկվել է որպես ՀՀԿ-ի կցորդ։ Հիմա ինքը կարիք ունի վերաիմիջավորման, ՀՅԴ-ն փորձում է այդ գործընթացն իրականացնել՝ անկախ նրանից, թե դա որքանով է հաջող կամ անհաջող»,- այս մասին այսօր լրագրողների հետ հանդիպմանն ասաց քաղտեխնոլոգ Արմեն Բադալյանը։
Նրա խոսքով՝ ՀՅԴ-ն այժմ ունի քաղաքացիների ձայների 5-10 տոկոսը, բայց եթե ճիշտ աշխատանք տանի, կարող է այդ թիվն ավելացնել. «Որպեսզի այդքան ընտրազանգված ներգրավի, ՀՅԴ-ն պետք է ռեբրենդինգի ենթարկվի։ Ոչ միայն իշխանություններին քննադատող լինի, այլև կարողանա մարդկանց մոբիլիզացնել։ ՀՅԴ-ն այդ գործընթացը սկսել է»։
Անդրադառնալով վարչապետի կողմից դատարանները շրջափակելու կոչին՝ քաղտեխնոլոգն ասաց, որ այդպիսով նա ցույց տվեց, որ ՀՀ-ում սուպերվարչապետություն է:
«Երբ վարչապետն ասաց շրջափակեք դատարանները, իսկ ոստիկանությանը հորդորեց չխառնվել, դրանով ցույց տվեց, որ ՀՀ-ում սուպերվարչապետություն կա։ Այսինքն՝ նա կարող է ոստիկանությանը հորդորել աջակցել գործողություններին, որոնք օրենքի հետ այդքան էլ համահունչ չեն»,- ասաց քաղտեխնոլոգը։
Մանրամասները՝ տեսանյութում:
