18.12.2025 | 22:20
Վթար Ներքին Դվին գյուղում․ կան տուժածներ
Եվրոպայի լիգայի եզրափակիչն «Արսենալի» համար մղձավանջ է լինելու. Արսեն Վենգերը՝ Հենրիխ Մխիթարյանի՝ Բաքու չմեկնելու մասին
24.05.2019 | 16:35
Եվրոպայի լիգայի եզրափակչին մասնակցելն «Արսենալի» համար մղձավանջ է լինելու: Այս մասին հայտարարել է «Արսենալի» նախկին գլխավոր մարզիչ Արսեն Վենգերը՝ անդրադառնալով Հենրիխ Մխիթարյանի՝ Բաքու չմեկնելու որոշմանը: Այս մասին հայտնում է The Guardian պարբերականը:
Վենգերը հիասթափված է Մխիթարյանի՝ «Արսենալ»-«Չելսի» հանդիպմանը չմասնակցելու որոշումից:
«Ժամանակակից աշխարհում չպետք է լինի այնպես, որ քաղաքականության պատճառվ ֆուտբոլ խաղալը հնարավոր չլինի»,- նշել է Վենգերը:
Նա նաև աջակցություն է հայտնել ֆուտբոլային այն երկրպագուներին, որոնք թանկ տոմսերի պատճառով հույս չունեն խաղին ներկա գտնվել:
The Guardian-ի փոխանցմամբ՝ «Արսենալ»-ը 3500 տոմս է վաճառել, իսկ «Չելսի»-ն՝ 2000:
Ֆուտբոլային ակումբների համար անսովոր է, որ եզրափակչից առաջ բոլոր տոմսերը սպառած չեն:
«Ակումբները նման խնդիր չունեն, նրանք կատարյալ պայմաններում են գործում, մասնավոր ինքնաթիռ ունեն և բիզնես կարգի հարմարավետ տեղեր: Այստեղ երկրպագուների հարցն է»,- ընդգծել է Վենգերը:
Վենգերը հավելել է, որ «Արսենալին» աջակցում է և միշտ ակումբի կողքին է լինելու:
«Դա իմ ակումբն է: Ես այդ ակումբին իմ կյանքն եմ տվել: Այժմ խաղերին որպես երկրպագու եմ հետևում. երջանկանում եմ, երբ նրանք հաղթում են և տխրում, երբ լավ չեն խաղում»,- ասել է Վենգերը:
Նելլի Մելքոնյան
