08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Ես որ սկսեմ խոսել, Դուք չեք կարող պատասխանել. Քրիստինա Պողոսյանը՝ Գևորգ Գորգիսյանին. ՏԵՍԱՆՅՈՒԹ
Հասարակություն
24.05.2019 | 12:31
ԱԺ պաշտպանության և անվտանգության հարցերի մշտական հանձնաժողովի նիստում քննարկվում է Կառավարության կողմից բացասական եզրակացություն ստացած ԱԺ «Լուսավոր Հայաստան» խմբակցության պատգամավորների ներկայացրած «Գնումների մասին» ՀՀ օրենքում փոփոխություն կատարելու մասին նախագիծը, որով առաջարկվում է գաղտնազերծել պաշտոնատար անձանց համար անհրաժեշտ ռազմական տեխնիկայի, սպառազինության, ռազմատեխնիկական միջոցների, արարողակարգային ծախսերի, կեցության, սննդի և տրանսպորտային սպասարկման ապահովման համար անհրաժեշտ ապրանքների և ծառայությունների գնումները:
Նախագծի քննարկման ընթացքում վիճեցին ԱԺ «Լուսավոր Հայաստան» խմբակցության քարտուղարն ու իշխող «Իմ քայլը» խմբակցության պատգամավոր Քրիստինա Պողոսյանը։
«Երբ Աստծո հաջողությամբ և քաղաքացիների քվեով «Լուսավոր Հայաստանը» կդառնա իշխանություն, այս նախագիծը կբերեք, մենք կողմ կքվեարկենք, եթե այստեղ լինեք՝ վտանգի տակ դնելով ձեր երկրի երեք կարևոր դեմքերին»,- դիմելով Գորգիսյանին՝ ասաց Քրիստինա Պողոսյանը։
Գորգիսյանը հակադարձեց՝ երկիրը բոլորինն է, մեր ու ձեր չկա։
Մանրամասները՝ տեսանյութում։
Շողիկ Գալստյան
