28.04.2026 | 15:48
ՖԻՖԱ-ն մտադիր է փոխել դեղին քարտերի կանոնն ԱԱ-2026-ում
Դիմեք ԱԱԾ-ին, թող գան մեզ ձերբակալեն. Գևորգ Գորգիսյանը՝ «Իմ քայլ»-ին. ՏԵՍԱՆՅՈՒԹ
Քաղաքականություն
24.05.2019 | 12:23
Եթե որևէ մեկը կասկածներ ունի, որ մենք նպատակ ունենք խաթարել Հայաստանի անվտանգությունը, կոչ եմ անում՝ դիմեք ԱԱԾ-ին, թող գան մեզ ձերբակալեն, եթե մեզանից որևէ մեկը կփորձի Հայաստանի անվտանգությանը վնասել: ԱԺ պաշտպանության և անվտանգության հարցերի մշտական հանձնաժողովի նիստում «Լուսավոր Հայաստան» խմբակցության ներկայացրած նախագծի քննարկման ժամանակ ասաց խմբակցության քարտուղար Գևորգ Գորգիսյանը։
Նա վրդովվեց՝ եթե իշխող խմբակցությունը 70 և ավելի քվե է ստացել, դա չի նշանակում, որ նրանք ավելի շատ են հայրենիքի մասին մտածում:
Հիշեցնենք, որ հանձնաժողովում քննարկվում է Կառավարության կողմից բացասական եզրակացություն ստացած ԱԺ «Լուսավոր Հայաստան» խմբակցության պատգամավորների ներկայացրած «Գնումների մասին» ՀՀ օրենքում փոփոխություն կատարելու մասին նախագիծը: Դրանով առաջարկվում է գաղտնազերծել պաշտոնատար անձանց համար անհրաժեշտ ռազմական տեխնիկայի, սպառազինության, ռազմատեխնիկական միջոցների, արարողակարգային ծախսերի, կեցության, սննդի և տրանսպորտային սպասարկման ապահովման համար անհրաժեշտ ապրանքների և ծառայությունների գնումները:
Մանրամասները՝ տեսանյութում։
Շողիկ Գալստյան
