16.05.2026 | 16:32
Գարեգին Բ կաթողիկոսն ընդունել է մշակույթի մի խումբ գործիչների
«Բաժանարար գծերը ոչ թե կրոններն են քաշում, այլ դրանց մեկնաբանությամբ զբաղվողները». Փաշինյան. ՏԵՍԱՆՅՈՒԹ
Հասարակություն
24.05.2019 | 11:46
Կրոնի ազատությունը մարդու ազատությունն է, կրոնի նկատմամբ մարդու ազատությունն ամենակարևոր ազատություններից է, և դա ուղիղ առնչվում է այն բոլոր արժեքների հետ, որոնք համընդհանուր կերպով այսօր ճանաչված են մարդկության կողմից: Կրոնի կամ համոզմունքի ազատության արդի հիմնախնդիրների թեմայով տարածաշրջանային համաժողովում ունեցած ելույթում այս մասին ասաց ՀՀ վարչապետ Նիկոլ Փաշինյանը:
«Ես ուրախ եմ նշել, որ Հայաստանը մի երկիր է, որն իսկապես հետամուտ է կրոնի, համոզմունքի, հավատի, խղճի ազատությանը: Նոր Հայաստանն առավել ևս լիարժեք հավատարիմ է այս արժեքներին: Կարծում եմ՝ այն, որ այսօր Հայաստանի ազգային և, տվյալ համատեքստում, կրոնական փոքրամասնություններն իրենց զգում են լիարժեք, դա իմ ասածի կարևորագույն ապացույցներից է»,- ասաց վարչապետը:
Ըստ նրա՝ երկար ժամանակ ընդունված է եղել մտածել, որ կրոնը և կրոնական պատկերացումների տարբերությունները սովորաբար բաժանում են մարդկանց իրարից:
«Բայց մենք այս իրավիճակը բավական տարօրինակ ենք համարում նաև այն առումով, որ ամենատարածված կրոնների մեծ մասը, ըստ էության, բխում է միևնույն Աստծուց: Եվ սա մեզ ստիպում է ասել, որ բաժանարար գծերը ոչ թե կրոններն են քաշում, այլ դրանց մեկնաբանությամբ զբաղվողները»,- ասաց Նիկոլ Փաշինյանը:
Մանրամասները՝ տեսանյութում:
Նելլի Մելքոնյան
