25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
ՄԻՊ-ն արձագանքել է փաստաբանի բաց նամակին․ զինծառայողը տեղափոխվել է հոսպիտալ՝ բուժհետազոտման
Հասարակություն
10.05.2017 | 12:10
Պարտադիր ժամկետային զինծառայող Ա.Ղազարյանի առողջական վիճակի և բուժհետազոտումը ՀՀ ՊՆ կենտրոնական կլինիկական զինվորական հոսպիտալում կազմակերպելու հարցի վերաբերյալ փաստաբան Նորայր Նորիկյանի բաց նամակին արձագանքել է ՄԻՊ-ը:
Ինչպես ավելի վաղ հայտնել էր factor.am-ը՝ փաստաբանը դիմել էր ՀՀ պաշտպանության նախարար Վիգեն Սարգսյանին ու ՀՀ ՄԻ պաշտպան Արման Թաթոյանին՝ ներկայացնելով զինծառայողի խիստ անհանգստացնող առողջական վիճակը․ Ա․ Ղազարյանը տառապում է մի շարք հիվանդություններով, սիրտն արագ է աշխատում, շունչը կտրվում է, ունի սրտի ծակոցներ, մի քանի անգամ կորցրել է գիտակցությունը, անհանգստացնում է նաև հետանցքի ճաքը, արնահոսում է: Նկատվում է երակների լայնացում:
Ստացվել է ՀՀ Մարդու իրավունքների պաշտպանի գրությունը, որով հայտնվել է, որ ՀՀ Պաշտպանության նախարարությունից գրություն է ստացվել այն մասին, որ Ա. Ղազարյանը ստացիոնար հետազոտության պետք է անցնի N հոսպիտալում:
Հետազոտման արդյունքում զինվորական ծառայության պիտանելիության հնարավոր փոփոխման անհրաժեշտության դեպքում Ա.Ղազարյանը կտեղափոխվի ՀՀ ՊՆ կենտրոնական կլինիկական զինվորական հոսպիտալ՝ հետագա փորձաքննության նպատակով:
Փաստինֆոյի տեղեկություններով՝ Ա. Ղազարյանը նամակի հրապարակումից հետո տեղափոխվել է N հոսպիտալ, ենթարկվում է բուժհետազոտությունների և գտնվում բժիշկների հսկողության տակ:
