12.06.2026 | 20:13
Facebook-ում լայնածավալ խափանումներ են գրանցվել
Ինքնաբուխ հավաք էր. Վալերի Օսիպյանը՝ դատարանների մուտքերը փակելու մասին. ՏԵՍԱՆՅՈՒԹ
Քաղաքականություն
23.05.2019 | 13:57
Դատարանների մուտքերը փակելու՝ մայիսի 20-ին անցկացված ակցիան ոստիկանապետ Վալերի Օսիպյանն ինքնաբուխ հավաք է համարում:
«Կարծում եմ՝ ինքնաբուխ ակցիա էր, հավաք էր: Ամեն դեպքում՝ տեղավորվում էր հավաքների ազատության մասին օրենքի դրույթների շրջանակում»,- Կառավարության այսօրվա նիստից հետո լրագրողներիհետ ճեպազրույցում ասաց նա:
Դիտարկմանը, որ օրենքի համաձայն՝ ակցիաները պետք է անցկացվեն դատարաններից որոշակի հեռավորության վրա՝ դրանց աշխատանքը չխոչընդոտելու համար, բայց այս դեպքում ճիշտ հակառակն է եղել, Վալերի Օսիպյանը պատասխանեց. «Այնպես չէ, որ ոստիկանները պարզապես ներկա են գտնվել այդ ակցիաներին: Եղել են դեպքեր, երբ ոստիկանության աշխատակիցներն ակցիա անող քաղաքացիներին հորդորում էին բացել մուտքերը: Ուղղակի զերծ մնալով հետագա քաշքշուկից և բախումներից, ընտրել ենք այնպիսի մարտավարություն, որպեսզի առաջնային փուլում բացատրական աշխատանքներով փորձենք»:
Մանրամասները՝ տեսանյութում:
Նարեկ Կիրակոսյան
