02.07.2026 | 11:43
Նիկոլ Փաշինյանի և Ուրսուլա ֆոն դեր Լայենի համատեղ ասուլիսը՝ ՈՒՂԻՂ
Կառավարությունը 34 մլն դրամի հարկային արտոնություն տվեց նախկին ՀՀԿ-ական Աշոտ Արսենյանի «Ջերմուկ Գրուպ»-ին․ ՏԵՍԱՆՅՈՒԹ
Տնտեսություն
23.05.2019 | 11:56
Կառավարությունը մայիսի 23-ի նիստում հարկային արտոնություն տվեց նախկին ՀՀԿ-ական Աշոտ Արսենյանին պատկանող «Ջերմուկ Գրուպ» ընկերությանը։
Գործադիրը բավարարեց ընկերության ներկայացրած հայտը՝ գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատելու արտոնությունից օգտվելու համար և սահմանված կարգով կիրառեց համապատասխան արտոնությունը։
Ըստ նախագծի հիմնավորման՝ այս արտոնության առկայությունը լուրջ խթան կհանդիսանա նոր ներդրումային ծրագրերի իրականացման և որպես հետևանք նոր աշխատատեղերի ստեղծման, տեղական արտադրության և արտահանման խթանման համար:
Նախատեսվում է ծրագրի շրջանակում իրականացնել 363,110,020 ՀՀ դրամի ներդրում ապրանքների ձեռքբերման համար:
Նախատեսվում է ներդրումային ծրագրի շրջանակում ստեղծել 13 նոր աշխատատեղ՝ 350,000 ՀՀ դրամ միջին աշխատավարձով։
Ծրագրով նախատեսված արտադրանքի ընդհանուր ծավալը կկազմի 756 մլն ՀՀ դրամ, որից 30 մլն ՀՀ դրամի արտադրանքը կիրացվի ՀՀ տարածքում, 696 մլն ՀՀ դրամի արտադրանքը` ԵՏՄ այլ անդամ երկրների տարածքում, 30 մլն ՀՀ դրամի արտադրանքը` երրորդ երկրների տարածքում:
Արտոնություն ստանալու համար ներկայացված ապրանքների արժեքը կազմում է 363,110,020 ՀՀ դրամ: Մաքսատուրքի ազատման արտոնությունը կազմում է 34,372,065 ՀՀ դրամ:
Մանրամասները՝ տեսանյութում։
