19.12.2025 | 17:34
Արման Ծառուկյան․ Գեյջին ու Փիմբլեթն իմ մակարդակի մարտիկներ չեն
Կենսաթոշակ նշանակելիս զինծառայության ստաժում կրկնակի չափով կհաշվարկվի նաև հակառակորդի հետ շփման գծում մարտական հերթապահության ժամանակահատվածը․ ՏԵՍԱՆՅՈՒԹ
Տնտեսություն
23.05.2019 | 11:29
Կառավարությունը մայիսի 23-ի նիստում փոփոխություն կատարեց «Պետական կենսաթոշակների մասին» ՀՀ օրենքում․ նախագծով առաջարկվում է սահմանել, որ, 2016 թվականի հունվարի 1-ից հետո կենսաթոշակ նշանակելիս` զինծառայության ստաժում կրկնակի չափով հաշվառվի նաև այլ զորքերի զինծառայողների` հակառակորդի հետ շփման գծում մարտական հերթապահության ժամանակահատվածը։
Կենսաթոշակը նշանակվում է.
կենսաթոշակի իրավունք ձեռք բերելու այդ թվում` կենսաթոշակի իրավունք տվող տարիքը լրանալու օրվանից, եթե կենսաթոշակ նշանակելու դիմումը ներկայացվել է այդ օրվանից հետո` երեք ամսվա ընթացքում.
կենսաթոշակ ստանալու իրավունքը դադարելու օրվանից, եթե անձը կենսաթոշակ ստանալու իրավունքը դադարելու օրվա դրությամբ ունի այլ տեսակի կենսաթոշակի իրավունք և այդ տեսակի կենսաթոշակ նշանակելու դիմումը ներկայացրել է կենսաթոշակ ստանալու իր իրավունքը դադարելու օրվանից հետո` վեց ամսվա ընթացքում:
Հայաստանի Հանրապետության հետ համապատասխան համաձայնագիր կնքած պետությունից ստացված կենսաթոշակի գործի հիման վրա կենսաթոշակ նշանակելիս` նախկին օրենսդրությամբ հաշվարկված ստաժը պահպանվում է նույնությամբ, եթե գործող օրենսդրությամբ սահմանված չեն ստաժի հաշվարկման ավելի բարենպաստ պայմաններ, իսկ եթե նշանակվող (հաշվարկված) կենսաթոշակի չափը ցածր է մինչև կենսաթոշակի գործը տեղափոխելը Հայաստանի Հանրապետությունում վճարված կենսաթոշակի չափից, ապա կենսաթոշակը վճարվում է նախկին չափով։
Նախագծով նախատեսված են նաև այլ փոփոխություններ ևս։
Կառավարությունը փոփոխություն կատարեց նաև «Պետական նպաստների» մասին օրենքում։
Մանրամասները՝ տեսանյութում։
