14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Թատերական ինստիտուտի ուսանողներն Արայիկ Հարությունյանի հետ հանդիպում կունենան
Հասարակություն
22.05.2019 | 20:08
Թատերականի ուսանողները քիչ անց հանդիպում կունենան ԿԳ նախարար Արայիկ Հարությունյանի հետ։ Այս մասին Factor.am-ի հետ զրույցում նշեց Երևանի թատրոնի և կինոյի պետական ինստիտուտի ուսանողական խորհրդի անդամ Դավիթ Աբրահամյանը։
«Ուսանողական պատվիրակություն ենք ստեղծել՝ յոթ անդամից կազմված։ Շուտով նախարարի հետ հանդիպում կունենանք»,- նշեց Դավիթ Աբրահամյանը։
Նա հավելեց, որ նախարարի հետ հանդիպումը փակ է լինելու։
Հիշեցնենք, որ այսօր կեսօրից Երևանի թատրոնի և կինոյի պետական ինստիտուտում ուսանողները ցույց էին կազմակերպել և արգելափակել շենքի մուտքերն ու ելքերը՝ նորընտիր ռեկտոր Լիլիթ Արզումանյանի հրաժարականի պահանջով։ Մի քանի ժամ տևած բողոքի ակցիայի արդյունքում ուսանողներին ԿԳ նախարարությունից տեղեկացրել էին, որ Արայիկ Հարությունյանը պատրաստ է լսել նրանց միայն այն դեպքում, երբ կապահովեն մարդկանց ազատ ելումուտը և բանակցության համար ուսանողական պատվիրակություն կստեղծեն։
Նելլի Մելքոնյան
