12.01.2025 | 13:35
Ոչ պարտադրվածն է խաղաղություն, ոչ մուրացածը․ Փաշինյան
Բակո Սահակյանը Մարտի 1-ի 10-ը զոհերի հարազատներին ասելիք չուներ. ՏԵՍԱՆՅՈՒԹ
Տեսանյութեր
20.05.2019 | 21:36
Ազգային ժողովում ավարտվեց Արցախի Հանրապետության նախագահ Բակո Սահակյանի հանդիպումը «Իմ քայլը» խմբակցության պատգամավորների հետ: Բակո Սահակյանը նշեց, որ քննարկել են բոլոր հարցերը, որոնք, ըստ իրենց որակումների, առաջնահերթ նշանակություն ունեն:
«Ամենակարևորը, որ մենք փաստել ենք, որ խիստ անհրաժեշտ է, որ երբ ստեղծված են իրավիճակներ, որ կարծես թե, դժվարանում են քաղաքական գործիչները, հասարակական գործիչները իրենց մասնակցությունը բերելու և հաղթահարելու այս կամ այն ստեղծված իրավիճակները։ Մենք պայմանավորվել ենք բոլոր հնարավորություններն օգտագործել, այդ թվում՝ հաճախակի հանդիպումներ ունենալ, որպեսզի ստիպված չլինենք հայտնվելու այնպիսի իրավիճակներում, որոնք խորթ են մեզ համար, մեր հայրենիքի համար»,- ասաց նա և նշեց, որ հարցադրումները եղել են անկեղծ և ազնիվ, և նույն կերպ փորձել է իր մոտեցումները ներկայացնել:
Նա նաև ասաց, որ պատգամավորների հետ ամեն ինչի մասին խոսել են՝ անվտանգության համակարգի, միջխորհրդարանական կապերի, բանակցային գործընթացի, տնտեսության մասին: Անդրադառնալով ապրիլյան պատերազմի վերաբերյալ քննիչ հանձնաժողով ստեղծելու առաջարկին՝ Բակո Սահակյանն ասաց, որ ցանկալի է, որ նման հանձնաժողովներում ներգրավված լինեն այնպիսի մարդիկ, ովքեր մասնագիտորեն ի վիճակի են օգնելու և չբացահայտված փաստերը բացահայտելու։
Բակո Սահակյանը նշեց, որ վարչապետը իրավասու է նման առաջարկությամբ հանդես գալու։ Factor.am-ի հարցին, որ իր երաշխավորությամբ փոխվեց Ռոբերտ Քոչարյանի խափանման միջոցը, որից հետո դատարանը գործը կասեցրեց ու ուղարկեց ՍԴ, նա մարտ 1-ի զոհերի հարազատներին ի՞նչ ասելիք ունի, Բակո Սահակյանը որևէ բան չասաց։
Նարեկ Կիրակոսյան
