09.06.2026 | 00:17
Մարկո Ռուբիոն շնորհավորել է Փաշինյանին
Ո՞վ է ժողովուրդը, նրանք, որ գնացել էին դատարան աշխատանքի ժողովու՞րդ չէին. Գևորգ Գորգիսյան. ՏԵՍԱՆՅՈՒԹ
Քաղաքականություն
20.05.2019 | 14:32
Եթե կան դատավորներ, որոնք օրենքի խախտմամբ դատավճիռներ են կայացրել, պետք է ուղղակի համապատասխան օրենքներով պատժվեն: ԱԺ-ում լրագրողների հետ զրույցում այս մասին ասաց «Լուսավոր Հայաստան» խմբակցության քարտուղար Գևորգ Գորգիսյանը:
Անդրադառնալով Սահմանադրական դատարանի նախագահի և Բարձրագույն դատական խորհրդի ղեկավարների հրաժարականի անհրաժեշտությանը՝ նա նշեց. «Այդ մարմինները պետք է լինեն անկախ, որևէ քաղաքական ուժ կամ գործընթաց չպետք է ազդի նրանց որոշումների կամ պաշտոնավարման վրա: Նրանց ընտրել է Ազգային ժողովը: Այժմ ԱԺ-ն փոփոխվել է, բայց իշխանության փոփոխությունը չպետք է ազդի իշխանության շարունակականության վրա»:
Գևորգ Գորգիսյանը խոսեց նաև վարչապետ Նիկոլ Փաշինյանի՝ հանրապետության դատարանների մուտքերն ու ելքերն արգելափակելու կոչի և դատական իշխանության՝ ժողովրդին պատկանելու մասին:
«Իսկ ո՞վ է ժողովուրդը:Այն մարդիկ, որոնք գնացել են աշխատանքի, ժողովուրդ չե՞ն: Դատավորները կամ դատարանի շենքում աշխատողները ժողովուրդ չե՞ն: Ո՞վ է որոշում՝ ով է ժողովուրդը: Պե՞տք է, որ մի քանի հոգու ձայնով որոշվի երկրի վարած քաղաքականությունը»,- ասաց պատգամավորը:
Նա, միաժամանակ, հավելեց, որ վարչապետ Փաշինյանի կոչի՝ հակասահմանադրական լինել-չլինելու վերաբերյալ գնահատականը միայն իրավապահները կարող են տալ:
Մանրամասները՝ տեսանյութում:
